НОВО ПАРТНЕРСТВО ЗА ПОЗЕЛЕНА И ПООТПОРНА НА КЛИМАТСКИТЕ ОДНОСИ ОПШТИНА КАРПОШ

ОдЦентар за Еколошка Демократија ФЛОРОЗОН 23/12/202515/01/2026

Денес, Центарот за еколошка демократија ФЛОРОЗОН и Општина Карпош потпишаа Меморандум за соработка, со кој се воспоставува рамка за долгорочно партнерство во областите на заштита на животната средина, урбано зеленило и отпорност на климатски промени.

Потпишувањето на овој Меморандум означува важен чекор кон посистематски и стратешки пристап кон планирањето на зелените површини, доследно спроведување на законските обврски и развој на конкретни пилот интервенции што ќе помогнат Карпош да стане поодржливо и поздраво место за живеење.

Соработката ќе се фокусира на:

зајакнување на планирањето, заштитата и подобрувањето на урбаното зеленило и зелената инфраструктура
промовирање и примена на решенија базирани на природата (NbS) во урбани и периурбани области
заедничка подготовка и имплементација на проекти насочени кон намалување на загадувањето на воздухот и справување со влијанијата од климатските промени
континуирано образование и вклучување на локалната заедница, образовните институции и граѓанското општество во политиките за клима и животна средина

Како дел од истата активност, беше спроведена и едукативна обука за решенија базирани на природата (NbS), со учество на претставници од општинската администрација, локалните институции и образовните установи. Обуката беше спроведена во рамките на проектот „Решенија базирани на природата за унапредување на ублажувањето на климатските промени во Градот Скопјe“, поддржан од Амбасадата на Канада преку Канадскиот фонд за локални иницијативи (CFLI).

Оваа вест изворно е објавена на веб-страната на Здружение на граѓани ФЛОРОЗОН-Центар за еколошка демократија Скопје

Светски ден за борба против ракот: само 10 отсто од жените опфатени со скрининг за рак на грлото на маткатa
04/02/202604/02/2026
Иако ракот на грлото на матката е едно од ретките малигни заболувања што речиси целосно може да се превенира, во Северна Македонија секоја година заболуваат околу 200 жени, а помеѓу 40 и 60 жени го губат животот од оваа болест. Алармантен е податокот дека во 2024 година со организираниот скрининг…
🎨 ЈАВЕН ПОВИК ЗА ЗАНАЕТЧИИ
02/02/202605/02/2026
Учество во активности за дигитална трансформација на традиционални занаети Здружението на граѓани Иницијатива за европска перспектива (ИЕП) објавува јавен повик за избор на најмалку 5 локални занаетчии за учество во обука и соработка со млади во рамки на проектот: „Дигитално оживување на занаетчиството: Оспособување на младите од руралните средини преку технолошки поттикнати модели на социјални […]
Source
ЈАВЕН ПОВИК ЗА МЛАДИ
02/02/202605/02/2026
Обука за дигитални и социјално-претприемачки вештини за млади за дигитална трансформација на традиционални занаети Здружението на граѓани Иницијатива за европска перспектива (ИЕП) објавува јавен повик за избор на 30 млади лица за учество во сеопфатна обука за дигитални и социјално-претприемачки вештини, која се реализира во рамки на проектот: „Дигитално оживување…
Правилно постапување со био отпад
30/01/202604/02/2026
Продолжуваме со кампањата за подигање на јавната свест за придобивките и начините за искористувањето на потенцијалот на органскиот отпад, погледнете како правилно се постапува со био отпад на следното видео
МЦМС придонесe во креирањето на новиот Закон за здруженија и фондации
30/01/202602/02/2026
Македонскиот центар за меѓународна соработка (МЦМС) активно се вклучи во процесот на јавна консултација за Предлог Законот за здруженија и фондации, оставајќи детални коментари на платформата ЕНЕР (Единствен национален електронски регистар на прописи на Република Северна Македонија).
Во каква средина работат организациите чиј фокус се родовите прашања
30/01/202602/02/2026
Македонскиот центар за меѓународна соработка го објави „Истражувањето во фокус: мониторинг на овозможувачката околина за организации кои работат во областа на родовата еднаквост и правата на жените”, кое обезбедува сеопфатна, анализа заснована на докази на условите во кои делуваат овие организации во Северна Македонија.