Crop 1140x570 1 750x375

Годишни работни програми: Здружени за активно граѓанство (2022–2025)

ОдЗдружение Центар на активни граѓани АКТИВО Велес

Поддржан од Делегацијата на Европската Унија во Северна Македонија, преку рамковен договори и поврзаните годишни оперативни грантови, НВО Инфоцентар го спроведува четиригодишниот програмски циклус „Здружени за активно граѓанство“. Програмата ги зајакнува локалните граѓански организации (ГО) за да создадат можности за проактивно ангажирање на граѓаните во нивните заедници, овозможувајќи им да ги унапредат своите капацитети преку алијанси и обуки за мобилизација на граѓани, застапување и одржлив развој, и истовремено јакнејќи го јавниот притисок за партиципативна демократија и добро владеење.

Од 2022 година, преку оваа акција, НВО Инфоцентар воспостави соработка со 16 локални ГО, ги поддржа и охрабри да мобилизираат граѓани и да застапуваат партиципативна демократија на локално ниво. Ова е постигнато преку јакнење на нивните капацитети за мобилизација, застапување и одржлив развој, со цел да се поттикнат локалните власти да промовираат и практикуваат партиципативна демократија.

Соработката и поддршката за 16 ГО од Крива Паланка, Велес, Свети Николе, Струмица, Куманово, Теарце, Дебар, Скопје, Маврово и Ростуше, Битола, Струга, Штип, Гостивар и Демир Капија се обезбедува преку серија активности (вклучувајќи обуки, консултации во организација, менторство, настани и локални акции), прилагодени на специфичните потреби на секоја организација и заедница.

Вклучените ГО успешно го применуваат стекнатото знаење од осум обуки на теми од нивен интерес, вклучувајќи користење онлајн алатки за креирање едукативни и информативни видео содржини за социјални мрежи и кампањи; практични чекори за усогласување со Законот за заштита на лични податоци; унапредено прибирање средства и управување со проектен циклус; практична употреба на АИ алатки за ГО; и собирање и анализа на податоци и пишување извештаи.

Континуираната соработка и консултации со локалните ГО резултираа со дизајн и спроведување на 16 настани/локални акции и 16 заеднички иницијативи со новинари и локални медиуми. Овие активности обработија теми важни за локалните заедници, меѓу кои ги издвојуваме:

  • младински активизам и застапување во рурални средини (Чашка и Теарце);
  • економско зајакнување на рурални жени (Свети Николе, Дебар, Центар Жупа и Гостивар);
  • решенија за коегзистенција на населението и зголемениот број на кафеави мечки (Маврово и Ростуше);
  • подобрување на менталното здравје на младите преку одржлива комуникација помеѓу родители и деца (Крива Паланка);
  • мапирање на алтернативни културни простори и промовирање на меѓугенерациски културен дијалог (Крива Паланка);
  • родова еднаквост и родово буџетирање и политики на локално ниво (Струмица и Гостивар);
    еднакви можности за мажи и жени (Свети Николе);
  • превенција од врсничко насилство (Струмица);
  • вклучување на лица со попреченост во политичкиот и јавниот живот (Крива Паланка);
  • подигнување на јавната свест за еколошки отпечаток и поттикнување учество во заштита на животната средина.

Овие локални активности овозможија учество на над 1.000 граѓани, вклучувајќи жители, рурални жени, млади, локални експерти, општински и институционални претставници, како и локални и национални новинари.

Активни млади, силна заедница, Дејан Ристов, АКТИВО Велес

Младите за подобра локална заедница, Маја Христовска, Иницијатива за граѓански интеграции – Гостивар

Личниот избор остава трага врз животната средина, Андријана Ристовска Костовска, Институт за добро владеење и политики во животната средина и климатските промени (ИПЕК)

Кога сите се вклучени – заедницата напредува, Жаклина Цветковска, РЦС Спектар Крива Паланка


Жените во руралните средини ја движат промената, Ирина Поцкова, Граѓанска иницијатива на жени Свети Николе


Учеството на сите граѓани ја зајакнува заедницата, Ленче Христова, Организација на жени од Струмица


Културата ги поврзува генерациите, Методи Цветковски, Центар за аудиовизуелни уметности Крива Паланка

The post Годишни работни програми: Здружени за активно граѓанство (2022–2025) appeared first on АКТИВО.

Оваа вест изворно е објавена на веб-страната на Здружение Центар на активни граѓани АКТИВО Велес

Продолжи со читање

  • Елаборат за четириесетите – XL Средби на извидници Велес 2026

    Почитувани извидници, извидничкиот одред “Димитар Влахов” од Велес одбележувајќи ја седмата деценија на постоење на извидништвото во Велес и Денот на Државноста на Македонија, Ве поканува на традиционалните XL Средби на извидници 2026. Во периодот од 1975 до 2026 година, успевaме да организираме четириесет Средби на извидници од кои последните…

  • Ново регионално партнерство: Здружението започнува проект поддржан од Western Balkans Fund и Европската Унија

     Со голема чест и задоволство споделуваме дека Здружение на лица со церебрална парализа и други попречености е добитник на грант од Фондот за Западен Балкан (Western Balkans Fund), кофинансиран од Европската Унија! На 24 и 25 јуни 2026 година во Тирана, Албанија, присуствувавме на дводневната партнерска работилница и свечената церемонија…

  • Успешно реализирана XXVI Вардарска регата “Гемиџии 2026“

    Иако регатата се одвива по 26-ти пат, ова е трета година во која пловидбата заврши во Солун, идентично како онаа на велешките трговци во минатото. Чамците растоварени, пловењето успешно завршено, се сумираат впечатоците од Вардарска регата „Гемиџии“ која по 26-ти пат ја оживеа традицијата и патшествието на велешките трговци во…

  • Од отпад до производ: Како био-отпадот станува дел од нашето секојдневие

    Био-отпадот претставува органски отпад кој потекнува од домаќинствата, пазарите, градините и прехранбената индустрија. Во оваа категорија спаѓаат остатоци од овошје и зеленчук, талог од кафе, лушпи од јајца, лисја и трева.
    Иако најчесто се третира како отпад, био-отпадот претставува вреден ресурс. Во контекст на циркуларната економија, тој се користи како суровина за создавање нови материјали, енергија и производи што повторно се враќаат во економскиот циклус.

    https://unsplash.com/photos/person-holding-eco-not-ego-signage-_kB9NKpErH4
    Во традиционалниот модел, био-отпадот најчесто завршува на депонии, каде што при разградување без кислород се создава метан – силен стакленички гас кој придонесува за климатските промени. Во циркуларниот пристап, истиот отпад се третира како ресурс и се трансформира во компост, биоматеријали, природни ѓубрива и иновативни производи. На овој начин се намалува количината на отпад, се намалуваат емисиите и се поттикнува развој на зелени технологии и локални бизниси.
    Овој пристап е тесно поврзан со пораката „Eco, not ego“, која потсетува дека одржливите избори ја ставаат еколошката одговорност пред краткорочната индивидуална удобност. Со тоа, био-отпадот се гледа не како проблем, туку како почеток на нов циклус на вредност, обновување и одржлив развој.

    Примери на продукти изработени од био-отпад

    Биопластика и дизајн-предмети од талог од кафе – Coffeefrom (Италија): Италијанскиот стартап Coffeefrom го претвора искористениот талог од кафе во биопластика и композитни материјали кои се користат за дизајнерски производи, пакување и индустриска примена, покажувајќи дека дури и секојдневниот отпад може да добие нова вредност.

    (Извор: EU-Startups, август 2025 – eu-startups.com | Renewable Matter – renewablematter.eu)

    Биоразградливо пакување од мицелиум и земјоделски отпад – Grown.bio (Холандија): Компанијата Grown.bio користи мицелиум и земјоделски отпад за производство на целосно биоразградливи пакувања и изолациски материјали кои нудат одржлива алтернатива на пластиката и стиропорот.

    (Извор: European Circular Economy Stakeholder Platform – circulareconomy.europa.eu | Saladplate, октомври 2025 – saladplate.com)

    Еко-кожа од манго отпад – Fruitleather Rotterdam (Холандија): Fruitleather Rotterdam го рециклира отпадот од манго што не ги исполнува пазарните стандарди и го претвора во издржлив вегански материјал кој се користи за изработка на чанти, паричници и други модни производи.

    (Извор: Plant Based News, мај 2025 – plantbasednews.org | Nature Biotechnology, 2025 – nature.com)

    Фото:https://unsplash.com/photos/a-pile-of-garbage-sitting-on-top-of-a-grass-covered-field-pprCuLQopHw
    Овие примери покажуваат дека отпадот не мора да биде проблем кој треба да се отстрани. Со соодветна креативност, технологија и визија, тој може да стане вреден ресурс кој создава нови производи, нови работни места и помало влијание врз природата.
    Циркуларната економија нè учи дека секој материјал има потенцијал за нов живот. Наместо да гледаме на био-отпадот како нешто без вредност, можеме да го препознаеме како можност за иновации и одржлив развој. Токму во оваа промена на перспективата лежи клучот кон поодржлива иднина.
     
    Оваа статија е подготвена во рамките на проектот „Граѓански активизам за остварување на циркуларна економија во управувањето со органски отпад“, спроведуван од Центарот за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија, со поддршка од Владата на Швајцарија преку Цивика мобилитас.
    Содржината на оваа статија е единствена одговорност на Центар за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.
    Автори: Јасмина Петровска, Еко Логик и Ана Серафимова, Еко Логик

  • Успешно заврши тркалезната маса за зелена транзиција и CBAM

    На тркалезната маса „Зајакнување на конкурентноста: Енергетската транзиција, CBAM и иднината на македонската индустрија“, Finance Think ја промовираше студијата „Подготвеност за CBAM и зелената индустриска транзиција во Северна Македонија“. Студијата покажува дека подготвеноста за CBAM ќе биде клучен фактор за одржување на конкурентноста на домашните производители на пазарот на Европската Унија. Во 2025 година, извозот […]
    The post Успешно заврши тркалезната маса за зелена транзиција и CBAM first appeared on Finance Think.
    The post Успешно заврши тркалезната маса за зелена транзиција и CBAM appeared first on Finance Think.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор