![[Aggregator] Downloaded image for imported item #52154](https://civicamobilitas.mk/wp-content/uploads/2026/10/FD2A3439-scaled-1.jpg)
„Натура“ организираше јавен форум за квалитетот на воздухот во Струга
На 15 октомври 2026 година, во Струга успешно се одржа првиот јавен форум на тема „Квалитетот на воздухот во нашата општина – предизвици, потреби и можни решенија“, во рамки на проектот „Граѓанска мрежа за чист воздух во Југозападен регион“, поддржан од Швајцарската Влада преку програмата Цивика мобилитас.
На форумот учествуваа претставници на Општина Струга и Советот на Општина Струга, граѓани, професори, наставници, ученици, студенти, активисти и претставници на граѓански организации. Учеството на различни групи овозможи отворена дискусија за состојбата со квалитетот на воздухот, локалните предизвици и можностите за негово подобрување.
Во текот на активноста, проектниот тим ги презентираше целите и значењето на проектот, како и досега реализираните активности. Посебен дел беше посветен на платформата Klimerko.org, каде што се јавно достапни податоците од инструментите „Klimerko“ за мерење на квалитетот на воздухот, поставени во петте општини од Југозападниот регион: Струга, Охрид, Вевчани, Дебар и Кичево. Овие уреди овозможуваат следење на загадувањето на воздухот и информирање на граѓаните за неговата состојба.
Дискусијата продолжи со размена на мислења и искуства меѓу учесниците, идентификување на проблемите поврзани со квалитетот на воздухот и изнесување предлози за конкретни мерки. Беше истакната важноста на соработката меѓу локалните институции, граѓанските организации, бизнис-заедницата и граѓаните, со цел подобрување на квалитетот на воздухот и подигнување на јавната свест.
Организирањето јавни форуми во петте општини во регионот е една од проектните активности чија цел е да ги вклучи граѓаните и засегнатите страни во дискусијата за прашањата поврзани со квалитетот на воздухот, како и да собере препораки и предлози за подобрување на состојбата. Собраните согледувања и предлози ќе послужат како основа за утврдување на приоритетите и следните чекори.
Здружението на екологите „Натура“ – Струга, во партнерство со Извидничкиот одред „Мирко Милески“ – Кичево, преку проектот „Граѓанска мрежа за чист воздух во Југозападен регион“, има за цел да го зајакне граѓанскиот мониторинг, јавното информирање и соработката меѓу локалните чинители за почиста животна средина и поздрав воздух.
Civica MobilitasEmbassy of Switzerland in North MacedoniaИзвиднички одред “Мирко Милески” / Scout group “Mirko Mileski”
Оваа вест изворно е објавена на веб-страната на Здружение на еколози „Натура“
![[Aggregator] Downloaded image for imported item #52197](https://civicamobilitas.mk/wp-content/uploads/2026/10/Ico_vule_baze2-576x1024-1.jpg)
![[Aggregator] Downloaded image for imported item #52145](https://civicamobilitas.mk/wp-content/uploads/2026/10/acrobat_5s3r4nemhz-e1792394016656.png)
![[Aggregator] Downloaded image for imported item #52149](https://civicamobilitas.mk/wp-content/uploads/2026/10/acrobat_0eala1htkb-e1792393675540.png)