“Natyra” organizoi tribunën e hapur për cilësinë e ajrit në Strugë

Më 15 tetor 2026, në Strugë u mbajt me sukses tribuna e hapur me temë “Cilësia e ajrit në komunën tonë – sfidat, nevojat dhe zgjidhjet e mundshme”,në kuadër të projektit “Rrjeti Qytetar për Ajër të Pastër në Rajonin Jugperëndimor”, i mbështetur nga Qeveria Zvicerane përmes programit Civica Mobilitas

Në tribunë morën pjesë përfaqësues të Komunës së Strugës dhe Këshillit Komunal, qytetarë, profesorë, arsimtarë, nxënës, studentë, aktivistë dhe përfaqësues të organizatave të shoqërisë civile. Pjesëmarrja e grupeve të ndryshme krijoi hapësirë për një diskutim të hapur mbi gjendjen e cilësisë së ajrit, sfidat lokale dhe mundësitë për përmirësimin e saj.

Gjatë aktivitetit, ekipi i projektit prezantoi qëllimin dhe rëndësinë e projektit, si dhe aktivitetet e realizuara deri më tani. Një pjesë e veçantë iu kushtua platformës Klimerko.org, ku janë të publike të dhënat nga instrumentet ”Klimerko” për matjen e cilësisë së ajrit të vendosura në pesë komunat e rajonit jugperëndimor: Strugë, Ohër, Vevçan, Dibër dhe Kërçovë. Këto pajisje mundësojnë monitorimin e ndotjes së ajrit dhe informimin e qytetarëve për gjendjen e tij.

Diskutimi vijoi me shkëmbimin e mendimeve dhe përvojave të pjesëmarrësve, identifikimin e problemeve që lidhen me cilësinë e ajrit dhe paraqitjen e propozimeve për masa konkrete. U theksua rëndësia e bashkëpunimit ndërmjet institucioneve lokale, organizatave të shoqërisë civile, komunitetit të biznesit dhe qytetarëve, me qëllim përmirësimin e cilësisë së ajrit dhe rritjen e ndërgjegjësimit publik.

Organizimi i tribunave të hapura në pesë komunat e rajonit është një nga aktivitetet e projektit që synon të përfshijë qytetarët dhe palët e interesuara në diskutimin e çështjeve që lidhen me cilësinë e ajrit, si dhe të mbledhë rekomandime dhe propozime për përmirësimin e gjendjes. Gjetjet dhe propozimet e mbledhura do të shërbejnë si bazë për identifikimin e prioriteteve dhe hapave të mëtejshëm.

Bashkësia e ekologëve ”Natyra” – Strugë në partneritet me Grupin e vëzhguesve ”Mirko Mileski” – Kërçovë përmes Projektit “Rrjeti Qytetar për Ajër të Pastër në Rajonin Jugperëndimor” synon të forcojë monitorimin qytetar, informimin publik dhe bashkëpunimin ndërmjet aktorëve lokalë për një mjedis më të pastër dhe ajër më të shëndetshëm.

#CHinMK#CivicaMobilitas

Civica MobilitasEmbassy of Switzerland in North MacedoniaИзвиднички одред “Мирко Милески” / Scout group “Mirko Mileski”