”NATYRA” pjesë e konferencës rajonale “Let’s Clean the Western Balkans” në Durrës

Nga 26 deri më 29 shtator 2026, Bashkësia e Ekologëve ”Natyra”- Strugë mori pjesë në konferencën rajonale “Let’s Clean the Western Balkans – A Regional Initiative for Environmental Action and Cooperation”, të mbajtur në Durrës.

Gjatë këtyre ditëve, përfaqësues të organizatave dhe iniciativave mjedisore nga vendet e Ballkanit Perëndimor u bënë bashkë për të shkëmbyer përvoja, për të diskutuar sfidat e përbashkëta mjedisore dhe për të forcuar bashkëpunimin rajonal.

Për Natyrën-n, pjesëmarrja në këtë konferencë ishte një mundësi për të prezantuar përvojën dhe punën tonë 30 vjeçare në Maqedoninë e Veriut, për të shkëmbyer praktika me organizata nga rajoni dhe për të krijuar mundësi të reja për bashkëpunim në fushën e mbrojtjes së mjedisit.

Një pjesë e rëndësishme e diskutimeve iu kushtua edhe përgatitjeve për World Cleanup Day 2027 dhe mundësive për organizimin e aksioneve të përbashkëta mjedisore në të gjithë Ballkanin Perëndimor.

Katër ditë me diskutime, ide, përvoja të reja dhe kontakte të reja – me një mesazh të përbashkët: problemet mjedisore nuk njohin kufij dhe kërkojnë bashkëpunim rajonal.

Një falënderim i veçantë shkon për “Let’s Do It – Ta Pastrojmë Kosovën” dhe drejtorin ekzekutiv të saj, z. Luan Hasanaj, për përzgjedhjen e organizatës tonë për të qenë pjesë e kësaj nisme të rëndësishme rajonale. Vlerësojmë shumë besimin, mikpritjen dhe vizionin për të ndërtuar ura bashkëpunimi mes organizatave mjedisore të Ballkanit Perëndimor

Një rajon më i pastër fillon me veprime të përbashkëta.