НАСТАН ЗА ПОДИГНУВАЊЕ НА СВЕТСА, ДОСТАПНИ МЕХАНИЗМИ ЗА ЗАШТИТА И ПОСТАПКИ ЗА ПРИЈАВУВАЊЕ НА НАСИЛСТВО

„ПРЕКИНИ ГО МОЛЧЕЊЕТО, ЗАПРИ ГО НАСИЛСТВОТО“

На 07 декември 2024 година, во општина Кочани се одржа едукативна работилница со предавања на теми подигнување свеста, достапни механизми за заштита и постапки за пријавување на насилство.Настанот беше дел од Меѓународната кампања „16 дена активизам за елиминација на насилството врз жените и семејното насилство“.

Работилницата ја водеше Мартина Гагоски, Правник. Ги запознаа присутните со методи за препознавање на различните форми на насилство, како и со мерките за превенција и заштита што се на располагање на жртвите.

Овој настан имаше за цел да ја подигне свеста за овие сериозни прашања и да ги поддржи жртвите на насилство.

Присутните, поголем дел од времето, дебатираа за психолошкото насилство, дискутирајќи за неговите влијанија и начини за справување со него. Учесниците вклучуваа примероци (хипотетички) кои изразија голема посветеност во борбата против насилството и создавањето на безбедна средина за сите жртви.

Настанот ја потврди важноста на едукацијата како средство за подигнување на свеста за личната безбедност и зајакнување на колективната одговорност во борбата против насилството. Учесниците беа поттикнати да бидат активни носители на промени, со цел да се создаде општество ослободено од насилство.

Искрена благодарност до присутните.

Овој значаен настан е  дел од партнерскиот проект „Гласот и учеството на жените и младите во: Креирање јавни политики и овозможувачка средина за граѓанско учество.“ се спроведува од „Женска граѓанска иницијатива АНТИКО“, Скопје и проектните партнери Здружението „СЕКОГАШ СОЖИВОТ“– с. Канатларци – Прилеп и „ЗОК АДРИОН“, Желино.  Поддржан од Владата на Швајцарија преку Civica Mobilitas. Цивика мобилитас е проект на Владата на Швајцарија, кој го спроведуваат МЦМС, НИРАС и ФЦГ.

Мислењата кои се изразени овде се на Здружението “Секогаш Соживот„ не нужно ги одразуваат ставовите на Швајцарската Влада, Цивика мобилитас или организациите што ја спроведуваат.

Оваа вест изворно е објавена на веб-страната на Здружение за мултикултурна афирмација и едукација на жените и младите во руралните средини СЕКОГАШ СОЖИВОТ с.Канатларци, Прилеп