Sense of purpose english mcms

Насилниот екстремизам останува глобална закана но, може да биде превениран со адресирање на корените за причините

ОдМЦМС

Одбележувајќи го 12 февруари, првиот Меѓународен ден за спречување на насилен екстремизам како и кога придонесува за тероризам, Глобалниот фонд за ангажман и отпорност на заедницата (ГЦЕРФ) ги повикува владите и партнерите да ги искористат можностите за да го спречат насилниот екстремизам со решавање на основните причини кои можат да доведат до радикализација. 

Проектите финансирани преку грантови на ГЦЕРФ во 17 земји докажуваат дека спречувањето радикализација функционира и е многу поисплатливо од безбедносните одговори на насилството. Сепак, постои ризик дека актуелните настани, како што е војната во Украина и нејзините ефекти врз светската економија, обезбедувањето храна и глобалната соработка, ги засенуваат можностите за спречување на насилниот екстремизам пред тој да започне, како пат кон помирен свет.

МЦМС се придружи на борбата за спречување на насилниот екстремизам преку спроведување на програмата „Пат кон отпорност и реинтеграција на ранливите семејства во заедницата“ која ја поддржува ГЦЕРФ, а ја спроведува во соработка со граѓанските организации НЕКСУС – граѓански концепт, Иницијатива за европска перспектива, Плеиадес и Хоризон Цивитас. 

„Насилниот екстремизам продолжува да биде закана за милиони луѓе ширум светот“, рече извршниот директор на ГЦЕРФ, Калид Косер. „Сепак, се плашиме дека кога вниманието на светските лидери е одвлечено од други глобални предизвици, обврските за спротивставување на насилните екстремистички сили може да попуштат. Спречувањето на насилниот екстремизам спасува животи. Мора да се одржува“.

На глобално ниво, бројот на терористички напади се зголеми за 17% во 2021 година во споредба со 2020 година, главно поради зголемувањето во Сахел и Авганистан. Тековните податоци покажуваат промена во рамнотежата на терористичките активности, со помалку терористички настани во западните земји до крајот на 2021 година, но почести напади во Јужна Азија и субсахарска Африка.

Додека терористичката активност е само еден аспект на насилниот екстремизам меѓу другите, инциденцата на терористички напади може да се гледа како показател за трендовите на насилниот екстремизам.

ГЦЕРФ, единствената меѓународна организација посветена на спречување на насилниот екстремизам, инвестираше повеќе од 75 милиони американски долари во напорите предводени од заедницата кои се покажаа како многу ефикасни во превенцијата. Иницијативите поддржани од ГЦЕРФ имаа директно позитивно влијание врз животите на речиси 3 милиони луѓе, со проекти кои градат социјална кохезија, создаваат еднаков пристап до социјалните можности и можности за генерирање приходи, ги зајакнуваат заедниците и им нудат на поединците чувство за цел. Индиректно, иницијативите финансирани од грантови во Сахел, Јужна и Источна Африка, Азија и Европа достигнаа дополнителни 19,9 милиони луѓе за да обезбедат надежни алтернативи на стимулации понудени од насилните екстремистички групи.

ГЦЕРФ во моментов обезбедува грантови за 275 локални партнери, во услови каде што регрутирањето терористи претставува најголем ризик за стабилноста во Албанија, Босна и Херцеговина, Бангладеш, Буркина Фасо, Чад, Кенија, Косово, Мали, Мавританија, Мозамбик, Нигер, Нигерија, Северна Македонија , Филипини, Сомалија, Шри Ланка и Тунис.

Предложен до земјите-членки на ОН од Република Австрија, Кралството Белгија, Република Ирак, Хашемитското Кралство Јордан и државата Катар, Меѓународниот ден за спречување на насилен екстремизам беше усвоен од Генералното собрание на ОН во декември од 2022 година.

Продолжи со читање

  • Елаборат за четириесетите – XL Средби на извидници Велес 2026

    Почитувани извидници, извидничкиот одред “Димитар Влахов” од Велес одбележувајќи ја седмата деценија на постоење на извидништвото во Велес и Денот на Државноста на Македонија, Ве поканува на традиционалните XL Средби на извидници 2026. Во периодот од 1975 до 2026 година, успевaме да организираме четириесет Средби на извидници од кои последните…

  • Ново регионално партнерство: Здружението започнува проект поддржан од Western Balkans Fund и Европската Унија

     Со голема чест и задоволство споделуваме дека Здружение на лица со церебрална парализа и други попречености е добитник на грант од Фондот за Западен Балкан (Western Balkans Fund), кофинансиран од Европската Унија! На 24 и 25 јуни 2026 година во Тирана, Албанија, присуствувавме на дводневната партнерска работилница и свечената церемонија…

  • Успешно реализирана XXVI Вардарска регата “Гемиџии 2026“

    Иако регатата се одвива по 26-ти пат, ова е трета година во која пловидбата заврши во Солун, идентично како онаа на велешките трговци во минатото. Чамците растоварени, пловењето успешно завршено, се сумираат впечатоците од Вардарска регата „Гемиџии“ која по 26-ти пат ја оживеа традицијата и патшествието на велешките трговци во…

  • Од отпад до производ: Како био-отпадот станува дел од нашето секојдневие

    Био-отпадот претставува органски отпад кој потекнува од домаќинствата, пазарите, градините и прехранбената индустрија. Во оваа категорија спаѓаат остатоци од овошје и зеленчук, талог од кафе, лушпи од јајца, лисја и трева.
    Иако најчесто се третира како отпад, био-отпадот претставува вреден ресурс. Во контекст на циркуларната економија, тој се користи како суровина за создавање нови материјали, енергија и производи што повторно се враќаат во економскиот циклус.

    https://unsplash.com/photos/person-holding-eco-not-ego-signage-_kB9NKpErH4
    Во традиционалниот модел, био-отпадот најчесто завршува на депонии, каде што при разградување без кислород се создава метан – силен стакленички гас кој придонесува за климатските промени. Во циркуларниот пристап, истиот отпад се третира како ресурс и се трансформира во компост, биоматеријали, природни ѓубрива и иновативни производи. На овој начин се намалува количината на отпад, се намалуваат емисиите и се поттикнува развој на зелени технологии и локални бизниси.
    Овој пристап е тесно поврзан со пораката „Eco, not ego“, која потсетува дека одржливите избори ја ставаат еколошката одговорност пред краткорочната индивидуална удобност. Со тоа, био-отпадот се гледа не како проблем, туку како почеток на нов циклус на вредност, обновување и одржлив развој.

    Примери на продукти изработени од био-отпад

    Биопластика и дизајн-предмети од талог од кафе – Coffeefrom (Италија): Италијанскиот стартап Coffeefrom го претвора искористениот талог од кафе во биопластика и композитни материјали кои се користат за дизајнерски производи, пакување и индустриска примена, покажувајќи дека дури и секојдневниот отпад може да добие нова вредност.

    (Извор: EU-Startups, август 2025 – eu-startups.com | Renewable Matter – renewablematter.eu)

    Биоразградливо пакување од мицелиум и земјоделски отпад – Grown.bio (Холандија): Компанијата Grown.bio користи мицелиум и земјоделски отпад за производство на целосно биоразградливи пакувања и изолациски материјали кои нудат одржлива алтернатива на пластиката и стиропорот.

    (Извор: European Circular Economy Stakeholder Platform – circulareconomy.europa.eu | Saladplate, октомври 2025 – saladplate.com)

    Еко-кожа од манго отпад – Fruitleather Rotterdam (Холандија): Fruitleather Rotterdam го рециклира отпадот од манго што не ги исполнува пазарните стандарди и го претвора во издржлив вегански материјал кој се користи за изработка на чанти, паричници и други модни производи.

    (Извор: Plant Based News, мај 2025 – plantbasednews.org | Nature Biotechnology, 2025 – nature.com)

    Фото:https://unsplash.com/photos/a-pile-of-garbage-sitting-on-top-of-a-grass-covered-field-pprCuLQopHw
    Овие примери покажуваат дека отпадот не мора да биде проблем кој треба да се отстрани. Со соодветна креативност, технологија и визија, тој може да стане вреден ресурс кој создава нови производи, нови работни места и помало влијание врз природата.
    Циркуларната економија нè учи дека секој материјал има потенцијал за нов живот. Наместо да гледаме на био-отпадот како нешто без вредност, можеме да го препознаеме како можност за иновации и одржлив развој. Токму во оваа промена на перспективата лежи клучот кон поодржлива иднина.
     
    Оваа статија е подготвена во рамките на проектот „Граѓански активизам за остварување на циркуларна економија во управувањето со органски отпад“, спроведуван од Центарот за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија, со поддршка од Владата на Швајцарија преку Цивика мобилитас.
    Содржината на оваа статија е единствена одговорност на Центар за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.
    Автори: Јасмина Петровска, Еко Логик и Ана Серафимова, Еко Логик

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор