Untitled Design(11)

Млади во Западен Балкан – Повик за национална МЛАДИ награда 2025

ОдЗдружение на граѓани „Младински образовен форум Скопје“.

Младински образовен форум распишува конкурс за МЛАДИ награда во рамки на проектот „Младите во Западен Балкан – Виртуелна разгледница“.

Тема на годинешниот конкурс е:

  1. „Различноста како сила: Младите и нивната солидарност за подобро општество“

Доколку имаш добра идеја и сакаш да ја реализираш, ова е одлична прилика за тебе!

Целта на овој конкурс е поттикнување на младите да размислуваат критички и да ги изразат своите ставови за темите медиумска писменост и интеркултурен дијалог, солидарност и различност. Ги охрабруваме учесниците да истражат начини како интеркултурниот дијалог може да придонесе за подобро разбирање во општеството и како медиумската писменост може да помогне во остварувањето на таа цел, особено со оглед на моменталната состојба во земјата и актуелните граѓански движења низ државата.

Кои се условите?

  • Да си млада личност од 15 до 30 години
  • Да живееш во Македонија

Ги исполнуваш условите, што понатаму?

  • Избери некој од мултимедијалните формати – подкаст, напис, мим, видео, фотографија или било кој друг формат што ти одговара
  • Работите мора да бидат оригинални и досега необјавени
  • Важно е ти да бидеш целосен автор/ка (без туѓи фотографии, видеа или текстови)
  • Нема да се земе предвид содржина што шири/поттикнува/промовира говор на омраза и насилство

Рок за пријава: 30 септември 2025 година до 23:59 часот.
Пријавите можеш да ги испратиш на мејл адресата info@mof.org.mk со назнака „МЛАДИ награда“.

А што е наградата?

Победникот/чката во категорија мултимедијална содржина ќе добие хонорар во износ од 24.000 дeнари бруто.

Критериуми за оценување:

Работите ќе се оценуваат според следниве критериуми:

  • Оригиналност и креативност
  • Квалитет на аргументацијата и размислувањето
  • Релевантност на темата

Прогласување на победникот/чката

Победниците ќе бидат известени преку е-маил на 5 октомври 2025. Резултатите ќе бидат објавени и на социјалните мрежи и вебсајтот на МОФ.

Покрај тоа, доделувањето на симболична награда во вид на плакета ќе биде организирана на 21 октомври на завршната конференција на проектот „Младите во Западен Балкан – Виртуелна разгледница“ во Белград. Местото и времето ќе бидат навремено соопштени на победникот/чката. Превозот и сместувањето ќе бидат покриени од Институтот за медиуми и различности – Западен Балкан. Со победникот/чката на националната награда по доделувањето ќе биде потпишан Договор за авторско дело, по што ќе биде исплатен хонорарот, најдоцна 30 дена од прогласувањето. Присуството на доделувањето на наградата е задолжително.

Во тек е и конкурсот за регионалната награда, а повикот можеш да го погледнеш овде.
Среќно! 

Оваа активност Институтот за медиуми и различности – Западен Балкан ја спроведува во рамки на проектот „Младите во Западен Балкан – Виртуелна разгледница“ заедно со партнери од Босна и Херцеговина (ОНАуБИХ), Северна Македонија (Младински образовен форум) и Црна Гора (Форум МНЕ).

The post Млади во Западен Балкан – Повик за национална МЛАДИ награда 2025 appeared first on МОФ.

This post was originally published on this site

Продолжи со читање

  • МЦМС ја започна новата антикорупциска програма

    Македонскиот центар за меѓународна соработка (МЦМС) го започна спроведувањето на програмата „Градење општество отпорно на корупција“, која ќе се реализира во периодот од 1 јануари 2026 до 30 јуни 2028 година со финансиска поддршка од Делегацијата на ЕУ во Северна Македонија.

  • Потврда на долгогодишното македонско-холандско пријателство

    Македонската развојна фондација за претпријатија (МРФП) и Македонскиот центар за меѓународна соработка (МЦМС) на 16 јануари 2026 година беа домаќини на Н.Е. Узлем Џанел (Özlem Canel), Амбасадорка на Кралството Холандија во Република Северна Македонија и Иван Илиев, советник за економија и трговија во Амбасадата.

    „Денес беше убава прилика за освежување на долгото пријателство меѓу МРФП и Амбасадата на Кралството Холандија“, истакна Лазар Неданоски, извршен директор на МРФП.На средбата, која помина во пријатна и отворена атмосфера, директорот на МЦМС, Александар Кржаловски, потсети на почетоците на соработката со Холандија и на клучните поединци кои придонеле за развојот на организацијата. МЦМС како организација е основана во 1993 година, како потфат на домашни иницијативи поддржани од Холандската меѓуцрковна помош (ХМП) и агенциите на Светскиот совет на црквите (ССЦ). Пет години подоцна, во 1998 година, МЦМС ја основаше Македонската развојна фондација за претпријатија (МРФП), фокусирана на развој на малите претпријатија, преку пристап до финансиски услуги и промоција на претприемништво.

    Директорот на МРФП, Неданоски, даде хронолошки приказ на развојот на Фондацијата, нагласувајќи дека поддршката од Кралството Холандија била од клучно значење во првите години од нејзиното работење. Според него, таа поддршка не била важна само од финансиски аспект, туку имала значително влијание и врз организацискиот развој на МРФП, како и врз пошироката заедница мултиплицирајќи го ефектот во развојот на институциите, организациите и нивните лидери.
    Амбасадорката Џанел изрази задоволство што поддршката од Кралството Холандија резултирала со одржливи организации кои успешно работат и го пренесуваат своето искуство на други организации и институции. На средбата беше разговарано и за можностите за идна соработка.
     

  • Презентиран Индексот на политички интегритет

    На 27 ноември 2025 година во Клубот на пратеници се одржа презентацијата на првиот Индекс за политички интегритет (ИПИ) во земјата – инструмент создаден да ја измери, поттикне и промовира културата на интегритет во политичкиот и јавниот живот. Настанот беше проследен од голем број претставници на институции, медиуми, граѓански организации. Во своето…

  • Bure-Cycle: Од отпад до иновативен велосипедски паркинг

    Во светот каде ресурсите се ограничени, а отпадот се зголемува, секоја мала идеја за реупотреба има големо значење. Еко Логик со својот проект Bure-Cycle го покажува токму тоа – како старите метални буриња можат да добијат нов живот и да станат функционални, визуелно привлечни и одржливи велосипедски паркинзи за јавни простори. Иницијативата се роди од […]

  • Младите уметници го освојуваат јавниот простор: PATS – Уметност за активизам и општествени промени

    Европскиот проект „Младите уметници го освојуваат јавниот простор – PATS“ (Performance Artists Take The Streets – PATS) официјално започнува со јасна и силна мисија: да им овозможи на младите уметници нови простори, алатки и можности за креативно изразување и општествен ангажман. Уметноста како глас на промената PATS е проект финансиран преку Erasmus+ програмата на Европската […]

  • Високите цени ја истиснаа корупцијата од првото место, но таа и понатаму е меѓу најголемите општествени предизвици

    За разлика од 2021 и 2023 година, кога корупцијата беше препознаена како најголем општествен проблем, во 2025 година граѓаните на прво место ги издвојуваат високите цени (46,6%), додека корупцијата е веднаш зад нив (40,1%). Ова укажува дека инфлацијата, растечките трошоци за живот и намалената куповна моќ ја зголемуваат економската несигурност, но и дека корупцијата останува еден од клучните општествени предизвици.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор