На ЕУ Академијата младите се стекнаа со нови знаења за улогата на Европската унија во заштитата на човековите права

Во текот на тридневната програма, од 11 до 14 август, во Охрид младите учесници на возраст од 18 до 26 години, имаа можност да се стекнат со нови знаења и практични вештини поврзани со човековите права, евроинтегративниот процес и улогата на младите во градењето на поправедно и инклузивно општество.

Академијата овозможи критичка дискусија за човековите права, како и за улогата на Европската унија во заштитата на владеењето на правото. Преку симулациска вежба, учесниците се најдоа во улога на институции на ЕУ, државни институции, граѓански организации и медиуми, преговарајќи за пристапувањето на земјата во ЕУ низ призмата на човековите права.

Програмата беше комбинација на предавања од експерти  (Зорана Антевска, Сандра Анастасовска Кузмановски), практични симулации и структурирани дискусии, со цел младите да развијат вештини за застапување, дипломатија, соработка и решавање конфликти.

Во рамките на академијата се обработуваа темите:

• Институции и улога на ЕУ,
• Легислатива на ЕУ,
• Патот на Република Северна Македонија во ЕУ,
• Предизвици и закани со фокус на човековите права,
• Комуникациски стратегии при справување со предизвици,
• Симулација на Европски Совет.

На крајот на обуката, учесниците добија сертификати за успешно завршена програма.

Со оваа академија, Хелсиншкиот комитет ја потврдува својата заложба за активно вклучување на младите во процесите на заштита и унапредување на човековите права и нивната улога во европските интеграции на земјата.

ЕУ академијата за млади се одржа во рамките на проектот „Фундаменталните човекови права на прво место – активен придонес за владеење на правото“, финансиран од Европската Унија.

The post На ЕУ Академијата младите се стекнаа со нови знаења за улогата на Европската унија во заштитата на човековите права appeared first on Хелсиншки комитет за човекови права.

Оваа вест изворно е објавена на веб-страната на Хелсиншки комитет за човекови права