HELP

Курс за Превенција на радикализација на ХЕЛП: Прв пат во Северна Македонија и Косово програмата на Советот на Европа

ОдPenelogija

Група од 50 затворски и пробациски службеници од Северна Македонија и Косово се запознаа со он-лајн курсот на ХЕЛП програмата на Советот на Европа (СоЕ) за Превенција од радикализација, што ќе им помогне да го зголемат своето знаење за справување со радикализацијата во затворите и отргнувањето од насилство.

Во Северна Македонија, он-лајн настанот за започнување на курсот го отвори г-от Борче Петревски, национален координатор за спречување на насилен екстремизам и борба против тероризмот, додека во Косово беше г-от Нехат Taчи, директор на Косовската затворска служба. Двајцата ја истакнаа важноста на курсот и неговите придобивки за учесниците, охрабрувајќи ги да земат активно учество со цел да го зголемат своето знаење и да ги применат во пракса новостекнатите вештини за спречување на радикализација и рехабилитација на насилни екстремисти престапници.

Локалните тутори, кои го прилагодија курсот со локалната и институционалната рамка во двете кориснички од Западен Балкан, ја презентираа структурата на курсот, практичните аспекти и следните чекори, со што учесниците се здобија со потребните информации за непречено следење на курсот.

Во наредните недели, курсот, прилагоден на специфичните локални потреби и околности, ќе биде претставен и во преостанатите кориснички од Западен Балкан, со што ќе се зголеми вкупниот број на затворски и пробациски службеници (на 150) во регионот кои ќе имаат придобивка од нивното учество во овој процес.

Настаните за започнување на курсот се одржаа на 03 февруари во Северна Македонија и на 05 февруари во Косово во рамките на Регионалната акција: „Зголемување на казнено-поправните капацитети во справување со радикализацијата во затворите на Западен Балкан“ што е дел од заедничката програма на Европската унија / Советот на Европа „Horizontal Facility за Западен Балкан и Турција 2019 – 2022”, спроведувана од Советот на Европа.

Проф. д-р Гордана Лажетиќ ко-основач и член на ИО на Македонско пенолошко друштво е локален тутор на курсевите за радикализација.

Извор: Јакнење на пенитенцијарните капацитети за справување со радикализацијата во затворите во Западен Балкан.

Продолжи со читање

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор