Здружение на еколози „Натура“ – Струга

Вкупен буџет: 2.848.300 денари

Период на реализација: 01.01.2026 – 31.12.2026 (12 месеци)

Специфична тема: Зелени иницијативи

Партнери:

Извиднички одред „Мирко Милески“ – Кичево

Конституенти: 

Граѓани од Југозападниот регион (Струга, Охрид, Вевчани, Дебар и Кичево); млади лица; жени; ученици и наставници; граѓански организации; локални власти и општински администрации; образовни институции; медиуми; локални заедници; волонтери и активисти за животна средина.

За проектот поддржан од Цивика мобилитас: Проектот се вклопува во темата „Зелени иницијативи“ бидејќи преку граѓанско следење на квалитетот на воздухот, едукација и јавен дијалог создава одржлива локална мрежа за заштита на животната средина. Граѓаните, младите и општините заеднички придонесуваат за чист воздух и зелена иднина на Југозападниот регион.

ОПИС НА АКЦИЈАТА

Акцијата предвидува воспоставување регионална граѓанска мрежа за мониторинг на квалитетот на воздухот преку поставување нискобуџетни мерни инструменти во пет општини од Југозападниот регион. Проектот вклучува обуки за граѓани, млади и волонтери за користење и интерпретација на податоците, јавни настани и дијалози со општините, како и активности за споделување и јавно објавување на податоците. Преку овие активности се поттикнува активно граѓанско учество и институционална соработка за подобрување на локалните политики за квалитет на воздухот.

ЦЕЛИ И РЕЗУЛТАТИ

Општа цел: Подобрување на управувањето со квалитетот на воздухот преку зголемено граѓанско учество, пристап до податоци и соработка со општините во Југозападниот регион.

Специфична цел:

• Воспоставување на мрежа од најмалку 30 граѓански инструменти за мерење на квалитетот на воздухот во пет општини
• Зголемување на учеството на граѓаните во мониторингот и донесувањето одлуки поврзани со квалитетот на воздухот
• Зајакнување на соработката меѓу граѓаните, граѓанските организации и локалните власти во управувањето со квалитетот на воздухот

 РЕЗУЛТАТИ

1. Воспоставена мрежа на граѓански инструменти за мерење на квалитетот на воздухот
2. Зајакнати капацитети на 100 граѓани, наставници и млади активисти
3. Воспоставен функционален дијалог и соработка меѓу граѓаните и општините

АКТИВНОСТИ

1. Мапирање и избор на локации за поставување инструменти
2. Координација со општините
3. Набавка, поставување и поврзување на инструментите на www.klimerko.org платформата
4. Спроведување на инфо-кампања за подигање на јавната свест
5. Развивање програма и прирачник за обуки
6. Спроведување обуки
7. Формирање на мали групи на „еко-набљудувачи“, (граѓани, наставници, ученици и НВО) во секоја општина
8. Формирање Регионален совет за воздух
9. Организирање на јавни форуми во сите 5 општини
10. Заеднички препораки и планови
11. Регионална конференција

ВЕБ СТРАНИЦА

https://natyra.org.mk/