Вести од граѓанските организации

На 26 ноември 2025 година, Еко Логик учествуваше на Националниот форум – Саем на граѓански организации, кој оваа година се одржа под мотото „Соработка на Владата со граѓанското општество“. Настанот претставуваше важна можност за дијалог, размена на искуства и унапредување на соработката помеѓу институциите и граѓанските организации. Во рамките на саемот, тимот на Еко Логик […]

Нашите претставници од РЕЦ и Еко Логик на 26.11.2025 год. беа присутни на НАЦИОНАЛНИОТ ФОРУМ – САЕМ НА ГРАЃАНСКИ ОРГАНИЗАЦИИ „СОРАБОТКА НА ВЛАДАТА И ГРАЃАНСКОТО ОПШТЕСТВО“ на којшто меѓу другото беа дискутирани теми од областа на животна средина и локална самоуправа, директно во комуникација со владините претставници и претставниците на локалната самоуправа.

Националниот форум – Саем на граѓанските организации ја потврди својата улога како значајна платформа за дијалог, размена на идеи и заедничко креирање решенија. Преку отворени дискусии, прашања и препораки, учесниците ја демонстрираа силата на партнерството меѓу државните институции и граѓанскиот сектор. Амбасадорот на Швајцарија, НЕ Кристоф Сомер им порача на присутните дека „Во сржта на секоја функционална демократија стои силно граѓанско општество.“

Работилница за повторна употреба и пренамена на био-отпад за ученици од ООУ “Вера Циривири – Трена”

Колку пати во денот допирате пластика, прашаа експертите? Најмалку четири до пет пати избројаа учениците. Дали треба да ја замениме пластиката со нешто друго, ги прашавме и што е тоа друго?
Продолжуваме со работилниците во училиштата „Работилница за повторна употреба и пренамена на био-отпад за ученици” на 27.11.2025 год. бевме во ООУ “Вера Циривири- Трена” во рамките на настани на отворено со караванот за демонстрирање на експерименти во училиштата.
Од што се добива пластиката ги прашавме учениците? За што се користи глицеринот и ладно цедените масла? Заедно научивме и согледавме некои нови работи со учениците од „Вера Циривири – Трена”. Младите научници многу внимателно ги следеа и извршуваа насоките на Експертите во изработка на експериментите.

Што добивме како краен резултат? Биодизел и органска пластика од лушпи од компири која можеме да ја користиме за пакување на различни производи и да ја замениме пластиката.
Значи, циркуларната економија е многу важна за нашaта држава заклучивме сите заедно!

Овие настани на отворено со караванот за демонстрирање на експерименти во училиштата се реализираат во рамките на проектот „Граѓански активизам за остварување на циркуларна економија во управувањето со органски отпад“ спроведуван од Центар за ресурси во животна средина (РЕЦ) – Северна Македонија во партнерство со EcoLogic и Center for Environmental Democracy – Florozon Флорозон – Центар за еколошка демократија.

Проектот е подржан од владата на Швајцарија преку Цивика мобилитас.