Измени на Законот за донации и спонзорства во јавните дејности: Време е за поедноставно и поефикасно донирање

Повеќе од 15 години, здружението Конект активно работи на унапредување на законската рамка за донирање и спонзорство во јавните дејности, во континуирана соработка со Министерството за правда, институциите, бизнис заедницата и граѓанските организации. Во овој период беа спроведени бројни анализи, истражувања и консултативни процеси со поддршка на меѓународни партнери, вклучително и Европската Унија и билатерални донатори.

Во процесот активно е вклучена и Мрежата за финансиска одржливост на граѓанските организации, која денес обединува 143 членки. Во моментов, Конект има можност да ги поддржи активностите на Министерството за правда во насока на придвижување на законските измени преку проект поддржан од Швајцарската влада, преку програмата Цивика мобилитас.

Предложените измени имаат за цел да донесат:

• поедноставување на процедурите и намалување на административниот товар за институциите;
• поголема транспарентност и правна сигурност за компаниите и граѓаните кои донираат;
• усогласување со процесите на дигитализација и електронско фактурирање, со поддршка од УЈП;
• поттикнување на домашната филантропија и зголемена поддршка за активности од јавен интерес.

Клучни ресурси и документи

За подобро разбирање на потребата од измените и досега спроведените активности, ви ги ставаме на располагање следните документи и ресурси:

Актуелна иницијатива за измени

Анализи и истражувања

Насоки за примена на Законот

Студии на случај

Измените на Законот за донации и спонзорства во јавните дејности претставуваат важен чекор кон создавање поедноставен, поефикасен и потранспарентен систем за донирање. Со нивното усвојување ќе се отстранат долгогодишни административни пречки, ќе се поттикне домашната филантропија и ќе се создадат подобри услови за поддршка на иницијативи од јавен интерес. Конект продолжува заедно со институциите, бизнис секторот и граѓанските организации да се залага за нивно конечно усвојување.