Покана – Обука за банките за работа со граѓански организации, 30.09.2026, хотел Арка, Скопје, 10 часот

Почитувани,

Граѓанските организации имаат значајна улога во развојот на општеството преку обезбедување услуги, застапување за јавен интерес и поддршка на различни категории граѓани.

Истовремено, финансиските институции имаат важна улога во обезбедување непречен пристап до финансиски услуги за легитимните организации, применувајќи пристап заснован на реална проценка на ризиците и разбирање на специфичностите на нивното работење.

Во насока на зајакнување на капацитетите на банкарскиот сектор за работа со клиенти од непрофитниот сектор, со задоволство ве покануваме да учествувате на:

Обука за банките за работа со граѓански организации

📅 30.09.2026
📍 хотел Арка, Скопје
⏰ Почеток: 10 часот

Пријавете го вашето учество <<ОВДЕ>> најдоцна до 28.09.2026г.

Обуката е наменета за кадри од банките кои се вклучени во процесите на проценка на ризик и работа со клиенти од непрофитниот сектор.

Преку интерактивни сесии и практични примери, учесниците ќе имаат можност да:

• ги препознаваат различните типологии на граѓански организации и начинот на нивно уредување и функционирање;
• применуваат реална и пропорционална анализа на ризици, земајќи ги предвид специфичностите на работењето на ГО;
• го применуваат пристапот базиран на човекови права и ризици согласно националните и секторските проценки на ризик;
• користат соодветни алатки и извори за прибирање и анализа на информации за граѓанските организации;
• се запознаат со добри меѓународни практики и актуелни трендови во работењето на банките со ГО;

Обуката ќе овозможи подобро разбирање на новите препораки и пристапи кои придонесуваат за непречен пристап до финансиски услуги и поддршка на легитимната работа на граѓанските организации, истовремено обезбедувајќи ефективно управување со ризиците од страна на банките.

Ќе се разменат искуства, практични знаења и ќе се унареди соработката меѓу банкарскиот и граѓанскиот сектор.

Дополнителни информации и агендата на обуката ќе бидат доставени до пријавените учесници.

Обуката се организира во рамки на проектот „Промени за одржливост“ што го спроведува здружението Конект во партнерство со Младинска асоцијација ИМКА Битола.  

Проектот е поддржан од Владата на Швајцарија преку Цивика мобилитас.

Со почит,

Конект  и Младинска асоцијација ИМКА Битола

Оваа вест изворно е објавена на веб-страната на КОНЕКТ