[Aggregator] Downloaded image for imported item #50655

Потпишан Меморандум за соработка со Здружението на лица со церебрална парализа и други попречености од Велес

ОдГласен текстилец

На 11 септември 2026 година, Здружението за заштита на работничките права „Гласен Текстилец“ од Штип и Здружението на лица со церебрална парализа и други попречености од Велес потпишаа Меморандум за соработка, со кој се поставуваат основите за заедничко делување и реализација на активности од заеднички интерес.

Соработката ќе биде насочена кон подобрување на квалитетот на животот, социјалната инклузија и еднаквите можности за лицата со попреченост, жените во ризик и старите лица, како и кон нивно економско и општествено зајакнување. Посебен акцент ќе биде ставен на унапредување на социјалните услуги, пристапот до здравствена и социјална заштита, родовата еднаквост, можностите за вработување и поголемото учество на овие групи во општествениот живот.

Во рамки на Меморандумот е предвидено заедничко планирање и реализација на проекти и програми, размена на информации и добри практики, организирање обуки, работилници, јавни дебати и конференции, како и подготовка на заеднички иницијативи и кампањи. Двете организации ќе соработуваат и при учество на домашни и меѓународни повици за финансирање и ќе обезбедуваат меѓусебна стручна и техничка поддршка.

Меморандумот е склучен за период од пет години, со можност за продолжување по взаемна согласност, а претставува уште еден чекор кон градење посилни партнерства меѓу граѓанските организации и создавање поинклузивна и поправедна заедница.

 

Меморандумот е изработен во рамки на проектот „Заедно сме посилни 2“, имплементиран од страна на Здружението на лица со церебрална парализа и други попречености од Велес,  финансиски поддржан од The Kvinna till Kvinna Foundation.

Оваа вест изворно е објавена на веб-страната на Здружение за заштита на работничките права „Гласен Текстилец“

Продолжи со читање

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор