Ден на добри дела 2026

„Добро дело е кога создаваме момент на топлина, надеж и храброст“. На ден 20.04.2026 година, како дел од Светскиот ден на добри дела 2026, организиравме акција: „Пакет Топол Момент – Добро дело што грее одвнатре“.

Волонтерската акција се реализираше со поддршка на 20 волонтери ученици од средните училишта и ООУ „Добре Јованоски“ од Прилеп, кои заеднички создадоа мали, но значајни гестови на грижа за жени и деца жртви на семејно насилство – кориснички на нашите услуги во советувалиштето за психосоцијална поддршка. За време на акцијата волонтерите рачно изработија картички со охрабрувачки пораки и цртежи, со цел пакетот да не биде само материјална поддршка, туку и личен знак на солидарност, при што испратија порака дека никоја жена и ниту едно дете не се сами – дека заедницата стои зад нив и дека грижата започнува од мали, но искрени дела.

Денот на добри дела е меѓународен ден на волонтирање. Почнувајќи од 2007 година, неговата мисија е да ги обедини луѓето од целиот свет во правење добри дела за другите и за планетата. Здружението за правна едукација и транспарентност Станица ПЕТ Прилеп, трета година по ред се приклучува кон глобалното движење „Ден на добри дела“, којшто претставува Меѓународен ден на волонтирање. Годинава Денот на добри дела е 12ти април, а на ниво на државата ќе се организираат различни настани и работилници, организирани од Младински културен центар Битола.

#gooddeedsday #деннадобридела #mkcbitola @MkcBitola @Gooddeddsday

This post was originally published on this site