[aggregator] downloaded image for imported item #40312

Утре започнува деветтата „Текстилијада“ во Штип

ОдГласен текстилец 02/10/202506/10/2025

Гласен Текстилец со гордост најавува дека на 3 и 4 октомври 2025 година, во Штип ќе се одржи деветтата по ред „Текстилијада“ – настан кој веќе одамна не е само симбол за текстилната индустрија, туку и симбол за борбата за достоинство, еднаквост и фер услови за работниците.

„Текстилијада“ е традиционален собир кој ги поврзува работниците, синдикатите, бизнисот, институциите и граѓанските организации со цел заеднички да разговараат за предизвиците и можностите во приватниот сектор, особено во текстилната индустрија – гранка што со децении ги храни семејствата во Штип и Источниот регион.

Програмата оваа година предвидува два дена исполнети со активности:

Петок | 03.10.2025

10:30 – Интернационален форум „Модернизација на приватниот сектор: Одржлив раст, социјален дијалог и регионален развој“ (Хотел „Оаза“);

13:30 – Регионална конференција „Родово одговорно буџетирање во Источниот регион“ (Хотел „Оаза“);

18:00 – Литературен конкурс „Мојот свет без корупција“ (Библиотека „Гоце Делчев“);

19:00 – Визуелна изложба „Градот што шиеше историја“ (Мултимедијален центар „Киро Глигоров“).

Сабота | 04.10.2025

11:00 – Дебата „Синдикален плурализам – Правни и институционални предизвици за независно претставување“ (Хотел „Оаза“);

14:00 – Национална конференција „Од маргините до центарот: Економски права на жените во приватниот сектор“ (Хотел „Оаза“);

15:00 – Промоција на весникот „Текстилец“ (Централна градска област);

18:00 – Претстава „Ова не е театар, ова е вистина“ (Народен театар – Штип);

19:00 – Изложба на стрип „Супер синдикалка“ (Културно-уметнички центар Текстил);

21:00 – Јавна завршна изјава „Гласови од Истокот: Нашата посветеност на достоинство, дијалог и промена“.

Настанот ќе го отворат градоначалникот на Штип и заменик-министерот за труд и економија, а преку видео порака ќе се обрати и градоначалникот на Борос, Шведска – партнер-град со кој се разменуваат искуства и добри практики во индустријата.

Со својата програма, „Текстилијада 9“ повторно ќе покаже дека гласот на Истокот, гласот на работниците и гласот на граѓаните мора да биде слушнат – и дека достоинството на трудот е темел за секој одржлив развој.

glasentekstilec@gmail.com
078 312 365

This post was originally published on this site

МЦМС ја започна новата антикорупциска програма
21/01/202622/01/2026
Македонскиот центар за меѓународна соработка (МЦМС) го започна спроведувањето на програмата „Градење општество отпорно на корупција“, која ќе се реализира во периодот од 1 јануари 2026 до 30 јуни 2028 година со финансиска поддршка од Делегацијата на ЕУ во Северна Македонија.
Потврда на долгогодишното македонско-холандско пријателство
20/01/202621/01/2026
Македонската развојна фондација за претпријатија (МРФП) и Македонскиот центар за меѓународна соработка (МЦМС) на 16 јануари 2026 година беа домаќини на Н.Е. Узлем Џанел (Özlem Canel), Амбасадорка на Кралството Холандија во Република Северна Македонија и Иван Илиев, советник за економија и трговија во Амбасадата.
„Денес беше убава прилика за освежување на долгото пријателство меѓу МРФП и Амбасадата на Кралството Холандија“, истакна Лазар Неданоски, извршен директор на МРФП.На средбата, која помина во пријатна и отворена атмосфера, директорот на МЦМС, Александар Кржаловски, потсети на почетоците на соработката со Холандија и на клучните поединци кои придонеле за развојот на организацијата. МЦМС како организација е основана во 1993 година, како потфат на домашни иницијативи поддржани од Холандската меѓуцрковна помош (ХМП) и агенциите на Светскиот совет на црквите (ССЦ). Пет години подоцна, во 1998 година, МЦМС ја основаше Македонската развојна фондација за претпријатија (МРФП), фокусирана на развој на малите претпријатија, преку пристап до финансиски услуги и промоција на претприемништво.
Директорот на МРФП, Неданоски, даде хронолошки приказ на развојот на Фондацијата, нагласувајќи дека поддршката од Кралството Холандија била од клучно значење во првите години од нејзиното работење. Според него, таа поддршка не била важна само од финансиски аспект, туку имала значително влијание и врз организацискиот развој на МРФП, како и врз пошироката заедница мултиплицирајќи го ефектот во развојот на институциите, организациите и нивните лидери.
Амбасадорката Џанел изрази задоволство што поддршката од Кралството Холандија резултирала со одржливи организации кои успешно работат и го пренесуваат своето искуство на други организации и институции. На средбата беше разговарано и за можностите за идна соработка.
Презентиран Индексот на политички интегритет
19/01/202621/01/2026
На 27 ноември 2025 година во Клубот на пратеници се одржа презентацијата на првиот Индекс за политички интегритет (ИПИ) во земјата – инструмент создаден да ја измери, поттикне и промовира културата на интегритет во политичкиот и јавниот живот. Настанот беше проследен од голем број претставници на институции, медиуми, граѓански организации. Во своето…
Bure-Cycle: Од отпад до иновативен велосипедски паркинг
18/01/202620/01/2026
Во светот каде ресурсите се ограничени, а отпадот се зголемува, секоја мала идеја за реупотреба има големо значење. Еко Логик со својот проект Bure-Cycle го покажува токму тоа – како старите метални буриња можат да добијат нов живот и да станат функционални, визуелно привлечни и одржливи велосипедски паркинзи за јавни простори. Иницијативата се роди од […]
Младите уметници го освојуваат јавниот простор: PATS – Уметност за активизам и општествени промени
18/01/202620/01/2026
Европскиот проект „Младите уметници го освојуваат јавниот простор – PATS“ (Performance Artists Take The Streets – PATS) официјално започнува со јасна и силна мисија: да им овозможи на младите уметници нови простори, алатки и можности за креативно изразување и општествен ангажман. Уметноста како глас на промената PATS е проект финансиран преку Erasmus+ програмата на Европската […]
Високите цени ја истиснаа корупцијата од првото место, но таа и понатаму е меѓу најголемите општествени предизвици
14/01/202615/01/2026
За разлика од 2021 и 2023 година, кога корупцијата беше препознаена како најголем општествен проблем, во 2025 година граѓаните на прво место ги издвојуваат високите цени (46,6%), додека корупцијата е веднаш зад нив (40,1%). Ова укажува дека инфлацијата, растечките трошоци за живот и намалената куповна моќ ја зголемуваат економската несигурност, но и дека корупцијата останува еден од клучните општествени предизвици.