Покана за протест „Стоп на геноцидот. Марш за Палестина“
Ние сме иницијативата Сите за Палестина и ви пишуваме бидејќи веруваме дека, како организации за човекови права, младински организации, и еколошки организации, со ист интензитет нè погодува геноцидот и екоцидот што веќе две години активно се случува во Газа. Време е, како цивилно општесто и иницијативи, да се кренеме и да искажеме јасен став против неморалната надворешна политика на Македонија.
Токму затоа, ве повикуваме да дадете поддршка на протестот „Стоп на геноцидот. Марш за Палестина“ што ќе се одржи в сабота (4 октомври) со почеток во 12 часот. Почетна точка е споменикот „Симфонија на мирот“ (наспроти гимназијата „Јосип Броз-Тито), а крајна точка е Владата. Со ова се вцртуваме на мапата на протести што се планираат и одржуваат глобално во пресрет на двегодишнината од почетокот на геноцидот.
Сите детали за настанот ќе ги најдете тука: https://www.facebook.com/events/1865426961519491
За воопшто да имаме шанса да направиме каков било притисок за да се смени неморалната надворешна политика на Македонија, исклучително важно е да бидеме што побројни и погласни. Подгответе транспарент, дојдете на маршот, повикајте ги пријателите и споделете го настанот со вашите познаници.
Залудно ќе биде да зборуваме за ова во иднина, ајде да дејствуваме сега, ајде да кажеме НЕ во наше име! Се гледаме в сабота на протест! Стоп на геноцидот во Газа!
Голем поздрав,
Иницијатива „Сите за Палестина“
![[Aggregator] Downloaded image for imported item #51760](https://civicamobilitas.mk/wp-content/uploads/2026/10/viber_image_2026-10-01_17-18-23-732-e1791386995528_mcms-768x512.jpg)
![[Aggregator] Downloaded image for imported item #51688](https://civicamobilitas.mk/wp-content/uploads/2026/10/840133774_17959130763235552_502814887244435070_n-768x512.jpg)
![[Aggregator] Downloaded image for imported item #51690](https://civicamobilitas.mk/wp-content/uploads/2026/10/835640454_10243132301386325_6319941414456541047_n-768x358.jpg)
