[aggregator] downloaded image for imported item #39058

Не молчиме! Зборуваме за предозирањето и повикуваме на промени.

ОдХОПС – Опции за здрав живот Скопје

На 31-ви август, светот се обединува за да го одбележи Меѓународниот ден на свесност за предозирањето. Ова е ден кога се сеќаваме на оние што ги загубивме и ги поддржуваме оние што се борат со овој тежок предизвик. Пораката на овој ден е јасна: секој живот има вредност, секоја загуба е трагедија, и секоја личност заслужува поддршка, а не осуда.

За жал, предозирањето често се третира како лична грешка или морален неуспех. Но, вистината е многу посложена. Секојдневно, животите се прекинуваат поради неуспешни и застарени државни политики. Многу од овие случаи се всушност трагедии предизвикани од неконтролираниот и небезбеден пазар на дроги.

Што значи тоа? Кога дрогите се нелегални, никој не гарантира за нивниот состав и јачина. Луѓето купуваат супстанца на црниот пазар, не знаејќи дали таа содржи опасни примеси како фентанил, или пак, дали е десет пати посилна отколку што очекувале. Оваа непредвидливост, директен резултат на постојните закони, е една од најголемите причини за смртоносни предозирања. Со тоа, животот не се губи поради „избор“, туку поради ризикот што го наметнуваат законите на државата.

Во ХОПС, веќе повеќе од 25 години, работиме токму на тоа – на хуманизација на ова прашање и на промена на општествената парадигма. Ние веруваме дека сè почнува со разбирање. Нашата мисија е да градиме заедница каде што луѓето се охрабруваат, каде што им се помага без предрасуди и каде што секој може да ја добие потребната поддршка. Ова е борба против стигмата и насилството, борба за човечност.

Нашите долгогодишни искуства покажуваат дека со вистинска помош, љубов и емпатија, можеме да направиме вистинска разлика и да ги смениме судбините на многу луѓе. Секоја приказна е важна и секој живот е бесценет, затоа што сите некому значиме!

Во пресрет на овој важен ден, сакаме да поставиме неколку прашања:

  • Дали сме подготвени да ја видиме вистинската причина за овие трагедии?
  • Дали сме подготвени да признаеме дека е време за промена на неефикасните политики?
  • Како ќе ја искористиме моќта на медиумите за да едуцираме, а не да осудуваме?
  • И, конечно, кои конкретни чекори ќе ги преземеме за заедно да изградиме општество кое го вреднува секој живот и нуди помош наместо забрана?

Во овие моменти, не мора да бидеме стручњаци. Доволно е да бидеме луѓе. Едноставен чин на добрина, поддршка и разбирање може да спаси живот. End Overdose!

The post Не молчиме! Зборуваме за предозирањето и повикуваме на промени. appeared first on ХОПС.

This post was originally published on this site

Продолжи со читање

  • Метаморфозис го одбележува Меѓународниот ден за универзален пристап до информации – 28 септември преку промоција на резултати од Индексот на отвореност на извршната власт

    Според Индексот на отвореност за 2024 година, исто како и претходната година, Владата на Северна Македонија е најотворена институција меѓу групите од извршната власт, министерства и органи на државната управа, исполнувајќи 77,32 % од критериумите. Во споредба со претходната година има забележано пад од минимален 1 отсто, кој се повторува втора година по ред. Фондација […]
    The post Метаморфозис го одбележува Меѓународниот ден за универзален пристап до информации – 28 септември преку промоција на резултати од Индексот на отвореност на извршната власт first appeared on Metamorphosis.

  • Програма за Текстилијада #9

    📢 ТЕКСТИЛИЈАДА 9 – Штип03–04 октомври 2025 📅 Петок, 03.10.2025 10:00 – Отворање на „Текстилијада 9“ – Откривање на мурал „Иднината

  • МЛАДИТЕ УЧЕА КАКО ДА ВРШАТ МОНИТОРИНГ НА РЕЧНИТЕ КОРИТА

    Младите од Општина Карпош, Општина Зелениково и Општина Ѓорче Петров, учеа како да вршат мониторинг на речните корита.

    Вчера, во Домот на култура во општина Ѓорче Петров се одржа едукативен настан посветен на мониторинг на водните текови, во организација на граѓанските организации Resource Environmental Center – REC North Macedonia, Center for Environmental Democracy – Florozon и Еко Логик.

    Настанот е дел од проектот „Брза проценка на водотеците на Западен Балкан – Фаза 2“, поддржан од U.S. Forest Service and Department of Defense EUCOM and Forest Service International Foundation.

    Настанот започна во 09:30 часот со едукативна сесија, по што следеше практична теренска вежба на реката Лепенец. Таму младите учесници и претставници од општините имаа можност директно да ја применат СВАП методологијата (Stream Visual Assessment Protocol) и да научат како се проценува состојбата на едно речно корито. Дополнително, беа идентификувани и жешки точки долж реката Лепенец.

    Целта на овој настан беше да ги запознае младите и претставниците од општините со современи методи за проценка на квалитетот на водните текови, да ги зајакне капацитетите на локалните чинители – институции, граѓански организации и експерти, како и да поттикне поширока јавна дискусија за заштита и одржливо управување со водните ресурси.

    Настанот беше наменет за млади на возраст од 15 до 30 години како и за претсавници од општините од општините Карпош, Зелениково и Ѓорче Петров, кои преку интерактивна едукација и теренска работа стекнаа нови знаења и вештини за мониторинг и заштита на речните корита.

  • Младите од општина Карпош, општина Зелениково и општина Ѓорче Петров,  учеа како да вршат мониторинг на речните корита

    Скопје, 24 септември 2025 година Вчера, во Домот на култура во општина Ѓорче Петров се одржа едукативен настан посветен на мониторинг на водните текови, во организација на граѓанските организации Центар за ресурси во животната средина (РЕЦ) – Северна Македонија, ФЛОРОЗОН – Центар за еколошка демократија и Еко Логик. Настанот е дел од проектот „Брза проценка […]

  • Локалната самоуправа сè уште далеку од вистинска отвореност – просекот порасна на 40%

    Фондација Метаморфозис и Рурална Коалиција ги претставија наодите од Процената на доброто владеење во единиците на локалната самоуправа во Република Северна Македонија изготвена преку Индексот на отвореност за 2025 година на тематскиот форум „Отворена општина – активна заедница“. Процената претставува длабинска анализа на работата на локалната самоуправа која дава резиме на вкупните перформанси на локалната […]
    The post Локалната самоуправа сè уште далеку од вистинска отвореност – просекот порасна на 40% first appeared on Metamorphosis.

  • Пријави се за коучинг сесија за справување со родово базирано сајбер насилство во Штип

    Иницијатива за европска перспектива во партнерство со ГО Заеднички вредности а во рамки на проектот Младите жени против онлајн насилство, започнува спроведување на групни коучинг сесии во 4 градови низ земјата (Скопје, Куманово, Штип, Струмица).  ✨ Што добиваш?🔹 Специјално развиена програма за коучинг🔹 Мултисекторско учење: правници, психолози и експерти за сајбер-безбедност Повикот…

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор