02cb8d29 5f63 4c4e 8ee7 75d9b1731e42 crop mcms

Младите од Тетово ќе ги детектираат и пријават загадувачите на животната средина

ОдМЦМС 29/12/202207/06/2024

На еднодневната обука за младински активизам што ја организираше Центарот за едукација и развој (ЦЕД) учествуваше 21 младо лице од Тетово. Обуката се одржа на 27.12.2022 година во конференциската сала на РЦСОО Моша Пијаде како дел од проектот „Активни млади низ транспарентна општина“. Таа им овозможи на младите да ги подобрат вештините во детектирање и пријавување загадувачи на животната средина.

Идејата за обуката беше да се стимулира младинскиот активизам од еколошки аспект. Младите се поканети во следните два месеци да ги детектираат загадувачите на животната средина и да ги пријават на официјалната веб-страница на општина Тетово – Тетово еко извештај или Е-репорт. Организаторите очекуваат официјалните еколошки институции да реагираат на пријавите.

„Обуката ни овозможи подобро да се запознаеме со техниките на младински активизам, да бидеме посвесни од еколошки аспект и да бидеме совесни граѓани“, нагласи Фестина Мустафа, мобилизаторката на заедницата. „Откривањето и пријавувањето потенцијални загадувачи е навистина важно, не само за нас, туку и за целиот град. Свеста за чиста еколошка средина мора да започне од нас“, рече Мухамет Усеини, учесник на обуката.

Центарот за едукација и развој ќе продолжи со своите активности и по откривањето на загадувачите, се очекува тие да бидат дел од изложбата и јавно да се покаже кои се главните загадувачи во Општина Тетово.

Спроведувањето на оваа обука е овозможено со проектот „Поддршка на изборните реформи во Северна Македонија“ на Владата на Швајцарија кој го спроведува Меѓународната фондација за изборни системи (ИФЕС), а грантовите ги администрира Македонскиот центар за меѓународна соработка (МЦМС).

Метаморфозис го одбележува Меѓународниот ден за универзален пристап до информации – 28 септември преку промоција на резултати од Индексот на отвореност на извршната власт
28/09/202529/09/2025
Според Индексот на отвореност за 2024 година, исто како и претходната година, Владата на Северна Македонија е најотворена институција меѓу групите од извршната власт, министерства и органи на државната управа, исполнувајќи 77,32 % од критериумите. Во споредба со претходната година има забележано пад од минимален 1 отсто, кој се повторува втора година по ред. Фондација […]
The post Метаморфозис го одбележува Меѓународниот ден за универзален пристап до информации – 28 септември преку промоција на резултати од Индексот на отвореност на извршната власт first appeared on Metamorphosis.
Програма за Текстилијада #9
26/09/202529/09/2025
📢 ТЕКСТИЛИЈАДА 9 – Штип03–04 октомври 2025 📅 Петок, 03.10.2025 10:00 – Отворање на „Текстилијада 9“ – Откривање на мурал „Иднината
МЛАДИТЕ УЧЕА КАКО ДА ВРШАТ МОНИТОРИНГ НА РЕЧНИТЕ КОРИТА
25/09/202529/09/2025
Младите од Општина Карпош, Општина Зелениково и Општина Ѓорче Петров, учеа како да вршат мониторинг на речните корита.
Вчера, во Домот на култура во општина Ѓорче Петров се одржа едукативен настан посветен на мониторинг на водните текови, во организација на граѓанските организации Resource Environmental Center – REC North Macedonia, Center for Environmental Democracy – Florozon и Еко Логик.
Настанот е дел од проектот „Брза проценка на водотеците на Западен Балкан – Фаза 2“, поддржан од U.S. Forest Service and Department of Defense EUCOM and Forest Service International Foundation.
Настанот започна во 09:30 часот со едукативна сесија, по што следеше практична теренска вежба на реката Лепенец. Таму младите учесници и претставници од општините имаа можност директно да ја применат СВАП методологијата (Stream Visual Assessment Protocol) и да научат како се проценува состојбата на едно речно корито. Дополнително, беа идентификувани и жешки точки долж реката Лепенец.
Целта на овој настан беше да ги запознае младите и претставниците од општините со современи методи за проценка на квалитетот на водните текови, да ги зајакне капацитетите на локалните чинители – институции, граѓански организации и експерти, како и да поттикне поширока јавна дискусија за заштита и одржливо управување со водните ресурси.
Настанот беше наменет за млади на возраст од 15 до 30 години како и за претсавници од општините од општините Карпош, Зелениково и Ѓорче Петров, кои преку интерактивна едукација и теренска работа стекнаа нови знаења и вештини за мониторинг и заштита на речните корита.
Младите од општина Карпош, општина Зелениково и општина Ѓорче Петров, учеа како да вршат мониторинг на речните корита
25/09/202529/09/2025
Скопје, 24 септември 2025 година Вчера, во Домот на култура во општина Ѓорче Петров се одржа едукативен настан посветен на мониторинг на водните текови, во организација на граѓанските организации Центар за ресурси во животната средина (РЕЦ) – Северна Македонија, ФЛОРОЗОН – Центар за еколошка демократија и Еко Логик. Настанот е дел од проектот „Брза проценка […]
Локалната самоуправа сè уште далеку од вистинска отвореност – просекот порасна на 40%
25/09/202529/09/2025
Фондација Метаморфозис и Рурална Коалиција ги претставија наодите од Процената на доброто владеење во единиците на локалната самоуправа во Република Северна Македонија изготвена преку Индексот на отвореност за 2025 година на тематскиот форум „Отворена општина – активна заедница“. Процената претставува длабинска анализа на работата на локалната самоуправа која дава резиме на вкупните перформанси на локалната […]
The post Локалната самоуправа сè уште далеку од вистинска отвореност – просекот порасна на 40% first appeared on Metamorphosis.
Пријави се за коучинг сесија за справување со родово базирано сајбер насилство во Штип
23/09/202523/09/2025
Иницијатива за европска перспектива во партнерство со ГО Заеднички вредности а во рамки на проектот Младите жени против онлајн насилство, започнува спроведување на групни коучинг сесии во 4 градови низ земјата (Скопје, Куманово, Штип, Струмица). ✨ Што добиваш?🔹 Специјално развиена програма за коучинг🔹 Мултисекторско учење: правници, психолози и експерти за сајбер-безбедност Повикот…