Првите официјални СОБИРАЧИ НА СЕКУНДАРНИ СУРОВИНИ успешно ја завршија обуката

ОдЗдружение за одржлив развој и заштита на животна средина ГОУ ГРИН - Скопје 31/12/202012/02/2021

Пет лица успешно ја завршија тримесечната обука според верификуваната програма за „Собирач на секундарни суровини“ со поддршка од Агенција за вработување како дел од мерката за побарувани занимања. Образовната програма „Собирачи на секундарни суровини“ е поврзана со занимањето „Собирач и постапувач на отпад“.

Во текот на тримесечната обука кандидатите учеа и успешно ги поминаа трите модули и тоа

1. Управување со отпад,
2. Личен развој и социо-економска интеграција,
3. Социјално претприемништво.

Третиот месец учесниците изработеа практична настава во фирмата
која поседува дозвола за собирање, транспорт, складирање и третман на неопасен отпад „Гринтех МК“ и го научија подлабокот процесот на селектирање и балирање на пластиката.

Учесниците кои се стекнаа со државно признати сертификати сега имаат можност да се вработат во секторот за управување со отпад. Здружението „Гоу Грин“ ја пилотираше програмата #селектирам со која се воспостави услуга за примарна селекција на пластика и
хартија во 50 згради во Град Скопје. #селектирам продолжува со социјалното претпријатие „РЕДИ Рециклажа“ кој е потенцијален кандидат за вработување на успешно завршените собирачи на секундарни суровини.

Други потенцијални работодавци на собирачите на секундарни суровини се фирми кои поседуваат дозвола за собирање и транспорт на неопасен отпад, фирми кои поседуваат дозвола за складирање и третман, колективни постапувачи, општини и јавни комунални
претпријатија, и/или социјални претпријатија кои работат на воспоставување на систем за примарна селекција, реупотреба и рециклирање на суровини.

МЦМС ја започна новата антикорупциска програма
21/01/202622/01/2026
Македонскиот центар за меѓународна соработка (МЦМС) го започна спроведувањето на програмата „Градење општество отпорно на корупција“, која ќе се реализира во периодот од 1 јануари 2026 до 30 јуни 2028 година со финансиска поддршка од Делегацијата на ЕУ во Северна Македонија.
Потврда на долгогодишното македонско-холандско пријателство
20/01/202621/01/2026
Македонската развојна фондација за претпријатија (МРФП) и Македонскиот центар за меѓународна соработка (МЦМС) на 16 јануари 2026 година беа домаќини на Н.Е. Узлем Џанел (Özlem Canel), Амбасадорка на Кралството Холандија во Република Северна Македонија и Иван Илиев, советник за економија и трговија во Амбасадата.
„Денес беше убава прилика за освежување на долгото пријателство меѓу МРФП и Амбасадата на Кралството Холандија“, истакна Лазар Неданоски, извршен директор на МРФП.На средбата, која помина во пријатна и отворена атмосфера, директорот на МЦМС, Александар Кржаловски, потсети на почетоците на соработката со Холандија и на клучните поединци кои придонеле за развојот на организацијата. МЦМС како организација е основана во 1993 година, како потфат на домашни иницијативи поддржани од Холандската меѓуцрковна помош (ХМП) и агенциите на Светскиот совет на црквите (ССЦ). Пет години подоцна, во 1998 година, МЦМС ја основаше Македонската развојна фондација за претпријатија (МРФП), фокусирана на развој на малите претпријатија, преку пристап до финансиски услуги и промоција на претприемништво.
Директорот на МРФП, Неданоски, даде хронолошки приказ на развојот на Фондацијата, нагласувајќи дека поддршката од Кралството Холандија била од клучно значење во првите години од нејзиното работење. Според него, таа поддршка не била важна само од финансиски аспект, туку имала значително влијание и врз организацискиот развој на МРФП, како и врз пошироката заедница мултиплицирајќи го ефектот во развојот на институциите, организациите и нивните лидери.
Амбасадорката Џанел изрази задоволство што поддршката од Кралството Холандија резултирала со одржливи организации кои успешно работат и го пренесуваат своето искуство на други организации и институции. На средбата беше разговарано и за можностите за идна соработка.
Презентиран Индексот на политички интегритет
19/01/202621/01/2026
На 27 ноември 2025 година во Клубот на пратеници се одржа презентацијата на првиот Индекс за политички интегритет (ИПИ) во земјата – инструмент создаден да ја измери, поттикне и промовира културата на интегритет во политичкиот и јавниот живот. Настанот беше проследен од голем број претставници на институции, медиуми, граѓански организации. Во своето…
Bure-Cycle: Од отпад до иновативен велосипедски паркинг
18/01/202620/01/2026
Во светот каде ресурсите се ограничени, а отпадот се зголемува, секоја мала идеја за реупотреба има големо значење. Еко Логик со својот проект Bure-Cycle го покажува токму тоа – како старите метални буриња можат да добијат нов живот и да станат функционални, визуелно привлечни и одржливи велосипедски паркинзи за јавни простори. Иницијативата се роди од […]
Младите уметници го освојуваат јавниот простор: PATS – Уметност за активизам и општествени промени
18/01/202620/01/2026
Европскиот проект „Младите уметници го освојуваат јавниот простор – PATS“ (Performance Artists Take The Streets – PATS) официјално започнува со јасна и силна мисија: да им овозможи на младите уметници нови простори, алатки и можности за креативно изразување и општествен ангажман. Уметноста како глас на промената PATS е проект финансиран преку Erasmus+ програмата на Европската […]
Високите цени ја истиснаа корупцијата од првото место, но таа и понатаму е меѓу најголемите општествени предизвици
14/01/202615/01/2026
За разлика од 2021 и 2023 година, кога корупцијата беше препознаена како најголем општествен проблем, во 2025 година граѓаните на прво место ги издвојуваат високите цени (46,6%), додека корупцијата е веднаш зад нив (40,1%). Ова укажува дека инфлацијата, растечките трошоци за живот и намалената куповна моќ ја зголемуваат економската несигурност, но и дека корупцијата останува еден од клучните општествени предизвици.