Фондацијата за развој на образование и култура АЛБИЗ денес (21 март 2017 година), со почеток на 19 часот во Даут Пашин Амам- Стара Чаршија, Скопје ќе организира „Вечер на поезијата“.

Поводот е одбележувањето на Меѓународниот ден на поезијата. На настанот ќе учествуваат 10 поети со своите творби. Ти се избрани од страна на Комисијата која ги оценуваше сите пристигнати трудови на Конкурсот за поезии за 2017 година.

Овој настан е дел од културната платформа на фондацијата која има за цел да дава поддршка на поезијата како посебен литературен род како и да ги мотивира и инспирира младите поети.
Фондацијата АЛБИЗ е корисник на институционален грант на Цивика мобилитас.