WEB pestalozzi final initiativna (600 x 340 px)

Успешно реализирани ученички иницијативи во три средни училишта во Прилеп

ОдМладински Совет Прилеп

Во текот на изминатите неколку месеци, идеите што беа развиени за време на менторскиот процес во рамки на проектот „Промоција на безбедна училишна средина“ се претворија во значајни ученички иницијативи во три средни училишта во Прилеп.

Со континуирана поддршка, ученичките заедници од СОУ „Ристе Ристески – Ричко“, СОУ „Ѓорче Петров“ и СОЕПТУ „Кузман Јосифоски – Питу“ ги испланираа и реализираа своите активности, насочени кон решавање на еден од клучните предизвици што самите ученици го препознаа – создавање побезбедна училишна средина и поттикнување на позитивна комуникација.

Секое училиште разви свој пристап. Учениците организираа едукативни филмски проекции проследени со дискусии, интерактивни работилници за ученици, наставници и родители, креираа подкасти и кратки видеа за подигнување на свеста, како и трајни иницијативи како „Ѕид на добри зборови“ и кутии за анонимни пораки, со цел да се поттикне позитивна комуникација и да се обезбеди безбеден начин учениците да ги споделуваат своите искуства.

Во текот на реализацијата, учениците ја презедоа водечката улога во планирањето, организацијата и спроведувањето на активностите, покажувајќи креативност, тимска работа и лидерски вештини, истовремено одговарајќи на реалните потреби на своите училишни заедници.

Ни претставуваше чест што ги поддржавме овие посветени млади луѓе во текот на целиот менторски процес и што бевме сведоци како нивните идеи се претворија во конкретни активности. Нивните иницијативи покажуваат дека ученичкото учество, кога е поттикнато и поддржано, може да придонесе за поинклузивни, поподдржувачки и попозитивни училишни средини.

Оваа активност е дел од проектот „Промоција на безбедна училишна средина, поддржан од Детската фондација Песталоци. Проектот „Промоција на безбедна училишна средина“ се спроведува од страна на Коалицијата на младински организации СЕГА во партнерство со Македонскиот Центар за Граѓанско образование, Првата детска амбасада во светот „МЕЃАШИ и СМАРТ АП – Лабораторија за Социјални Иновации.

Оваа вест изворно е објавена на веб-страната на Здружение МЛАДИНСКИ СОВЕТ Прилеп

Продолжи со читање

  • Насилството врз децата не почнува кога ќе стане вест, а превенцијата не треба да започне откако насилството ќе стане вест

    Зад секоја вест за насилство врз дете, стојат дете со нарушено чувство на сигурност, семејство кое живее во страв и неизвесност; и заедница што треба да се запраша дали можела да стори нешто порано. Но, не секое насилство станува вест. Некои деца молчат од страв […]
    The post Насилството врз децата не почнува кога ќе стане вест, а превенцијата не треба да започне откако насилството ќе стане вест appeared first on Myla.

  • Eco Social Voices претставен на YCDF Skopje Local Point: Младите како двигатели на климатските промени

    Климатската акција започнува со младите, нивните идеи и можноста активно да учествуваат во создавањето промени. Во Europe House во Скопје, Еко Логик, во партнерство со Youth Climate Diplomacy Forum (YCDF), го претстави проектот Eco Social Voices на презентацискиот настан посветен на YCDF Skopje Local Point. Настанот беше можност за запознавање со целите, визијата и активностите […]

  • Новинарите ги декодираат институциите на ЕУ, acquis и политиките за проширување

    На 16 и 17 октомври 2026 година, Институтот за европска политика (ЕПИ) го организираше првиот модул за обука во рамките на проектот „Decode the EU – Communicating EU policies together“ во Струмица. Дводневната работилница собра 10 новинари од различни медиуми, со цел да се зајакне аналитичкото известување засновано на докази за процесот на пристапување на […]
    The post Новинарите ги декодираат институциите на ЕУ, acquis и политиките за проширување appeared first on EPI.

  • Извидниците од Велес волонтерски работеа на санирање на конференциската сала во ИЦО – Охрид

    Членовите на извидничкиот одред “Димитар Влахов“ – Велес, Валентин Јанкуловски, Благој Јорданов и Владимир Ивановски-Вуцо во периодот од 16 до 18 октомври 2026 год. во извидничкиот центар “Охрид“ во Охрид работена на санирање на Конференциската сала на ИЦО – Охрид. Со превземените активности од страна на нашите одредски членови ја…

  • Меморандум за разбирање со Британската бизнис-асоцијација

    Силните економии се градат врз силни партнерства. Finance Think и British Business Association in North Macedonia – Британската бизнис-асоцијација во Северна Македонија вчера потпишаа Меморандум за разбирање, поставувајќи основа за поблиска соработка за прашања важни за бизнис-секторот, носителите на политики и општеството. Партнерството ја поврзува широката деловна мрежа на Британската бизнис-асоцијација со економските истражувања и […]
    The post Меморандум за разбирање со Британската бизнис-асоцијација first appeared on Finance Think.
    The post Меморандум за разбирање со Британската бизнис-асоцијација appeared first on Finance Think.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор