Црногорската заедница во РМ ја имаше честа да присуствува на одбележувањето 64 години од постоењето на О.У “Његош”

На ден 10.11.2017г. Црногорската заедница во РМ ја имаше честа да присуствува на одбележувањето 64 години од постоењето на О.У “Његош” од скопската Општина Гази Баба. На прославата беа присутни Директорот на училиштето Г-дин Никола Настевски, Градоначалникот на Општина Гази Баба Г-дин Борис Георгиевски, претставници на Црногорската Амбасада во РМ, колеги. пријатели и претставници од други институции на градот.

На 64-та прослава на патрониот празник на училиштето Претседателот на ЦЗРМ Г-дин Борис Попивода во придружба на Потпретседателот на ЦЗРМ Г-дин Милорад Миланович како и членовите на претседателството Г-дин Слобо Новович и Г-дин Јован Марич во знак на чествувањето на животот и делото на Петар II Петрович Његош положија цвеќе пред Његошевата биста во дворот на училиштето.

Во име на овој значаен празник, Црногорската заедница сака да упати јавна благодарност до О.У. “Његош” за укажаната чест и покана да бидеме дел од овој прекрасен настан. Во исто време се заблагодаруваме и за прекрасниот подарок кој ни беше врачен од страна на училиштето.

Примете искрени честитки, со најубави желби, за уште многу години празнување на Његошевиот спомен, многу успеси во рамки на училиштето, но и надвор од него, со надеж за наша понатамошна, долга и успешна соработка на обострано задоволство.