Тренинг: Како може новинарот да ги „скрши“ вратите на институциите, кои се затворени за медиуми?
Здружението за Развој на Медиуми Онлимит Медиа, во соработка со весникот Лајм, поддржани од Цивика, успешно го остварија тридневниот тренинг за млади новинари и студенти по новинарство, на тема „Дигиталните медиуми – Промовирање на отчетот и стандардите во текот на истражувањето“.
Тренингот го реализираа професор Ќафиш Бакиу и новинарите Исен Салиу и Џенис Сулимани, со асистенција на експертот за правни науки, Илир Зајази.
Темата која се наметна од страна на студентите и новинарите учесници на тренингот беше како да се зачува чекорот со динамиката на модерното дигитално новинарство, а истовремено да се почитуваат начелата на новинарскиот кодекс и да не се кршат правните норми. Во текот на тренингот се забележа и голем интерес на учесниците во врска со можностите како најлесно да се надминат бариерите за да се стигне до една информација од јавен интерес во земја како Македонија, каде што имаме институции затворени за медиумите.
Констатацијата на учесниците на тренингот беше дека на младите новинари во Македонија им се потребни серија вакви тренинзи, затоа што како земја во која слободата на говорот бележи голем пад последните години, новинарите секојдневно се соочуваат со институционални препреки во истражување на информацијата, но и со можност да бидат тужени за нивното известување во медииумите.
Онлимит Медиа е институционален грантист на Цивика мобилитас
![[Aggregator] Downloaded image for imported item #52397](https://civicamobilitas.mk/wp-content/uploads/2026/10/reg5-1024x576-1-768x432.jpg)
