СВЕЧЕНО ДОДЕЛУВАЊЕ СЕРТИФИКАТИ ЗА КУРСИСТКИТЕ ОД ОПШТИНИТЕ ПРИЛЕП И МОГИЛА

На 11-ти декември 2024 година, во општина Прилеп се одржа свечено доделување на Сертификати за курсистките кои успешно ги завршија обуките што ги организиравме. Овој настан го означи завршувањето на повеќемесечната обука, која имаше за цел да ги подобри вештините, знаењата и условите на жените, за нивно активно вклучување на пазарот на труд.

На настанот учествуваа претставници на здружението „Секогаш Соживот“, с. Канатларци, обучувачи, преставник ор Работничкиот Универзитет, како и други присутни, најважно самите курсистки кои добија признание за својот труд и посветеност. Вкупно 16 курсистки од општините Прилеп и Могила добија Сертификати за успешно завршување на обуките за шминкери и фризери.

Акцентот беше ставен на економското јакнење на жените преку овие обуки, кои им овозможија нови вештини и можности за самовработување и вработување.
Настанот заврши со свечено доделување на Сертификатите, кои курсистките гордо ги примија. Атмосферата беше исполнета со радост и гордост, а учесниците ја изразија својата благодарност кон здружението и партнерскиот проект за можноста да се усовршат и да стекнат нови вештини.

Со надеж дека ваквите иницијативи ќе продолжат да го градат потенцијалот на заедницата и понатаму останува посветено на обезбедување квалитетни програми за обуки, кои ќе го поттикнат економското јакнење на жените и нивно активно вклучување на пазарот на труд.

Настанот се реализира во рамките на партнерскиот проект „Гласот и учеството на жените и младите во: Креирање јавни политики и овозможувачка средина за граѓанско учество.“ се спроведува од „Женска граѓанска иницијатива АНТИКО“, Скопје и проектните партнери Здружението „СЕКОГАШ СОЖИВОТ“– с. Канатларци – Прилеп и „ЗОК АДРИОН“, Желино. Поддржан од Владата на Швајцарија преку Civica Mobilitas.

Цивика мобилитас е проект на Владата на Швајцарија, кој го спроведуваат МЦМС,НИРАС и ФЦГ. Мислењата кои се изразени овде се на Здружението “Секогаш Соживот не нужно ги одразуваат ставовите на Швајцарската Влада, Цивика мобилитас или организациите што ја спроведуваат.

Оваа вест изворно е објавена на веб-страната на Здружение за мултикултурна афирмација и едукација на жените и младите во руралните средини СЕКОГАШ СОЖИВОТ с.Канатларци, Прилеп