Спуштање на температурата!Сè што отсекогаш сте сакале да знаете за парламентот (Но, сте се плашеле да прашате)
На 28 и 29 септември 2024 година на Попова Кула, дванаесет пратеници во нивниот прв мандат учестуваа на интензивен дводневен настан на кои се рагзговараше тајните на парламентарната дебата, уметноста на компромисот и конкретно придобивките од компромисот, како да се справат со своите високи врсници од другите парламентарни групи, а особено од сопствената политичка трева и „анализата на моќта“ во парламентот.
Првиот ден започна со клучната сесија на профсорите и поранешни пратеници Александар Спасеновски и Гордан Георгиев кои ги водеа пратениците низ Тајните на парламентарните коридори, парламентарната координација, структурата на моќ и институционалните улоги.
Потоа следуваше сесијата Ѓаволот е во деталите: разбирање на законодавната процедура со поранешните пратеници Изет Зеќири, поранешниот министер Васко Наумовски и поранешниот пратеник Игор Ивановски, и на пратениците им понудија длабински поглед на законодавните нијанси. Денот беше затворен со неформална дискусија Сè што сакав да знам порано, чиј домаќин беше авторот и основач на P World, Коста Петров.
Вториот ден започнавме со Сурово будење: медиумите и пратеници сесија со новинарите Семра Мусаи (ТВ Алсат), Боби Христов (ТВ Телма) и Душица Мрѓа (ТВ 24). Тие зборуваа како се градат конструктивни односи со медиумите. На крајот нашата уникатна активност In the box, која им даде на пратениците ретка шанса за еден-на-еден разговор со новинарите на теми и прашања кои никогаш јавно не би ги поставиле.
Оваа вест изворно е објавена на веб-страната на ФОРУМ ЗА РАЗУМНИ ПОЛИТИКИ Скопје
![[Aggregator] Downloaded image for imported item #52397](https://civicamobilitas.mk/wp-content/uploads/2026/10/reg5-1024x576-1-768x432.jpg)
