Соопштение за јавност: Регионална грантова шема од 450.000 евра на проектот BOOST

СООПШТЕНИЕ ЗА ЈАВНОСТ

Проект BOOST: Регионална грантова шема од 450.000 евра за зајакнување на граѓанското општество во Западен Балкан

Европската Асоцијација за Локална Демократија (АЛДА) го најавува започнувањето на регионална грантова шема на проектот BOOST, иницијатива насочена кон зајакнување на граѓанските организации во регионот на Западен Балкан. Програмата, финансиски поддржана од Agence Française de Développement (AFD), ќе додели грантови во вкупна вредност од 450.000 евра за промовирање на демократскиот, економскиот и социјалниот развој во регионот.

Грантовата шема, дел од проектот  БУСТ– Балканот кон унапредување на можности, одржливост и трансформација на граѓанското општество е наменета за граѓанските организации во Албанија, Босна и Херцеговина, Косово, Црна Гора, Северна Македонија и Србија. Проектите треба да се однесуваат на еден од трите клучни столба на проектот: млади и претприемништво; рурален развој и заштита на животната средина; и зачувување на културното наследство и развој на заедницата.

Со цел да се потикнат регионални партнерства, потребно е конзорциумот на проеките да биде составен од три организации од три различни земји и апликантите треба да бидат законски регистрирани, непрофитни граѓански организации со минимум две години искуство во соодветните тематски области.

За потребите на грантовата шема, отворена е платформа за грантови https://boostbalkans.com/grants.html преку која граѓанските организации ќе бидат во можност да ги поднесат проектите. Крајниот рок за аплицирање е 27.12.2024 година.

За повеќе информации за грантовата шема, и за регистрација на информативната сесија, посетете ја https://boostbalkans.com или контактирајте со boost@aldaintranet.org.

Проектот BOOST е спроведуван од стана на ALDA во партнерство со LEADER France, Pulse SOS, Pulse Balkans, и Агенциите за Локална Демократија од Мостар, Никшиќ, Завидовичи, Приједор, Суботица, Централна и Јужна Србија, Косово, и Урбаниот истражувачки институт Албанија.

ЗА АФД

Agence Française de Développement- AFD (Француската агенција за развој) ја спроведува политиката за меѓународен развој и солидарност на Франција. Повеќе на: afd.fr/en