Сите пречки се мали ако луѓето се големи

На 15.08.2016 во ЕУ Инфо центарот во Скопје, „Младите можат“ организираа настан наречен „Сите пречки се мали ако луѓето се големи“. Целта беше да се придонесе за социјалната инклузија на лицата со сетилна попреченост . Учесниците на настанот имаа можност да ги слушнат инспиративните приказни на тројцата говорници. Тие истакнаа дека попреченостa не е препрека за успех, понекогаш е можност и предизвик да се надминат границите на умот и амбицијата и пасијата да се претворат во успех, односно да се тие лица да ги исполнат своите соништа.

Покрај успешните приказни на говорниците, присутните имаа можност да уживаат во перформансите на талентираните настапувачи. Културно уметничкото друштво „Битрикс“ имаше своја точка преку која ја пренесе пораката за еднаквост на сите млади. За крај на настанот беше изведена нумерата „За овој свет“ од Тоше Проески.

Иницијативата е дел од проектот „Младински лидерски иницијативи“ кој е поддржан од Цивика мобилитас и Швајцарскиот национален младински совет, а се спроведува во партнерство со Симбиотика – Институт за индивидуален и организациски развој и SEED Швајцарија.)