14та Меѓународна младинска конференција „Европски вредности за иднината на Југоисточна Европа“

Младински Сојуз – Крушево, годинава, традиционално по 14ти пат ќе ја организира Меѓународната младинска конференција од 22 до 26ти септември во Крушево. Шеесет активни млади лидери од 16 земји (Македонија, Албанија, Босна и Херцеговина, Бугарија, Хрватска, Франција, Германија, Грција, Косово, Црна Гора, Италија, Полска, Романија, Србија, Словенија и Турција) ќе се сретнат во Крушево за да ги продискутираат начините на кои младите лидери можат да го поддржат Евро-интегративниот процес на земјите од Југоисточна Европа.

Годинава, младите активни лидери ќе имаат можност да дискутират на следниве теми:

• Балканското влијание за иднината на ЕУ
• Промоција на духот на помирувањето и соработката меѓу младите од Западен Балкан
• Национализмот како „нов“ феномен
• Од Југосфера од Еуросфера Како може младите да влијаат врз интегритетот на владите?
• Начини за подобрување на транспарентноста и борбата против корупцијата во земјите од ЈИЕ
• Емиграцијата на младите и одливот на мозоци – можност или потреба за младите на Балканот?
• Дигитална комуникација
• Како со ИТ можат да се решат социјалните прашања во Југоисточна Европа?
• Водечки урбани иновации на Балканот
• Иновации во едукативниот систем
• Gamification и дигитализација во едукацијата
• Придонесот на младите во open source можностите
• Предизвиците на претприемништвото во 21виот век
• Социјално и рурално претприемништво на Балканот (co-working, co-living, дигитални номади, crowdfunding, микро-кредити)
• Европа и мигрантите (причини, младински активизам и човекови права)
• Глобална Британјја и сигурноста и стабилноста во земјите од Југоисточна Европа

Конференцијата се организира во партнерство со Фондацијата Фридрих Еберт, канцеларија Скопје, а поддржана е и од Пактот за стабилност за Југоисточна Европа и е дел од годишната програма за институционален развој, поддржана од Цивика мобилитас.