Сензори за квалитет на пречистена вода и мобилна апликација
Во рамките на проектот “Превенција од ризици за одржливи практики за животна средина за земјоделци – ПРЕСПА”, финансиран од Европска Унија од програмата за прекугранична соработка помеѓу Република Северна Македонија и Република Албанија, а во реализација на Центар за граѓанска иницијатива од Прилеп , Општина Ресен, Организација за управување со дестинации од Корча и Општина Девол, се изработи Мобилна апликација која го презентира квалитетот на пречистената вода од пречистителните станици Езерани и Заградец.
Пред локално население, земјоделци, претставници на локалните самоуправи и комуналните претпријатија беше промовирана Мобилната апликација. Присутните беа информирани како можат да ги следат информациите на истата, односно како да ја симнат оваа апликација во нивниот телефон и како секојдневно може да се провери квалитетот на пречистената вода кој го мерат сензори поставени во истите. Овие информации од сензорите се основен показател за јавните претпријатија, туку и транспарентен начин на работа на истите.
Еве што мерат сензорите: RDO sensor кој користи RDO технологија, која е метод одобрен од EPA за оптичко мерење DO. Обезбедува точно и стабилно мерење на растворен кислород (DO). TROLL Temperature/Conductivity Sensor: Обезбедува мерење на температурата на водата, вистинска и специфична спроводливост, соленост, вкупно растворени цврсти материи (TDS), отпорност и густина. pH/ORP Sensor: ORP (Оксидациско-намалувачки потенцијал) е мерење, во миливолти, на капацитетот на растворот за пренос на електрони (оксидација или редукција) и ја мери pH реакцијата на водата…
Оваа вест изворно е објавена на веб-страната на Центар за граѓанска иницијатива
![[Aggregator] Downloaded image for imported item #52397](https://civicamobilitas.mk/wp-content/uploads/2026/10/reg5-1024x576-1-768x432.jpg)
