[Aggregator] Downloaded image for imported item #44781

Ромките и доенчињата и понатаму се соочуваат со сериозни бариери во пристапот до бесплатна и квалитетна здравствена заштита, и покрај постоењето на државни превентивни програми – беше заклучено на консултативната работилница одржана на 13 февруари, во Скопје

ОдЗдружение ИНИЦИЈАТИВА ЗА ПРАВАТА НА ЖЕНИТЕ ОД ШУТО ОРИЗАРИ Скопје
Теренското истражување покажа дека дел од бесплатните гинеколошки услуги се наплатуваат, често без фискални сметки, што создава дополнителен товар за жените, особено ранливите.
Во Јавна соба, во организација на Здружението Иницијатива за правата на жените од Шуто Оризари, се одржа консултативна работилница на тема „Предизвиците и препораките на ромската заедница преку Програмата за партиципација при користење на здравствена заштита на одделни заболувања на граѓаните и здравствена заштита на родилките и доенчињата“.
На средбата беа презентирани клучните предизвици со кои се соочува ромската заедница при користење на здравствените услуги, меѓу кои недоволната информираност за правата, ограничениот пристап до бесплатни услуги, како и институционални и административни пречки што директно влијаат врз здравјето на жените во репродуктивен период и доенчињата.
Во дискусијата учествуваа претставници на Министерство за здравство, раководители на превентивни програми, Фонд за здравствено осигурување, Лекарска комора на Република Северна Македонија, МАГО – Македонска асоцијација на гинеколози и опстетричари, граѓански организации, како и матичниот гинеколог од Шуто Оризари.
Како резултат на работата, беа формулирани низа конкретни препораки за унапредување на пристапноста и квалитетот на здравствените услуги за ромската заедница, меѓу кои:
· Активно вклучување на граѓанските организации во креирањето на здравствените програми и мерки, особено во делот на репродуктивното здравје, како и нивно учество во дефинирањето на пакетот гинеколошки услуги што ги обезбедуваат матичните гинеколози;
· Спречување и санкционирање на незаконската наплата од страна наi матичните гинеколози преку засилен инспекциски надзор и јасни механизми за пријавување и постапување по претставки од пациентките;
· Подобрување на информираноста за превентивните програми, преку јасни, достапни и културолошки соодветни информации за начинот на нивна имплементација и правата што произлегуваат од нив;
· Зголемување на бројот на контролори во системот „Мој термин“ при закажување специјалистички ортопедски прегледи за доенчиња, со цел навремено и целосно обезбедување на бесплатните ортопедски услуги;
· Транспарентно управување и јавно објавување на трошоците од Програмата за партиципација, вклучително и редовно информирање на јавноста за нејзината реализација и ефекти;
· Зајакнување на меѓуинституционалната соработка меѓу институциите, давателите на здравствени услуги и граѓанските организации, со цел унапредување на пристапот до квалитетна здравствена заштита за ромската заедница.
Работилницата потврди дека унапредувањето на здравствените права на ромската заедница бара континуиран дијалог, заедничка одговорност и активна соработка меѓу институциите, здравствените работници и граѓанските организации.Оваа активност се реализира во рамките на проектот „Унапредени здравствени права на девојките, жените и ранливите групи“, поддржан од Швајцарската агенција за развој преку програмата Цивика Мобилитас. Проектот го спроведуваат партнерските организации: ХЕРА – Асоцијација за здравствена едукација и истражување, ЕСЕ – Здружение за еманципација, солидарност и еднаквост на жените, ЗАЕДНО ПОСИЛНИ – Здружение за поддршка на луѓето што живеат со ХИВ и Иницијативата за правата на жените од Шуто Оризари.
Организација: Здружение Иницијатива за правата на жените од Шуто Оризари
Лице за контакт: Ања Симоновска 070/385-831
Дисклејмер
Содржината на ова соопштение е единствена одговорност на ХЕРА – Асоцијација за здравствена едукација и истражување, Здружение за еманципација, солидарност и еднаквост на жените – ЕСЕ, Здружение за поддршка на луѓето што живеат со ХИВ – ЗАЕДНО ПОСИЛНИ и Здружение Иницијатива за правата на жените од Шуто Оризари и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.
Оваа вест изворно е објавена на веб-страната на Здружение ИНИЦИЈАТИВА ЗА ПРАВАТА НА ЖЕНИТЕ ОД ШУТО ОРИЗАРИ Скопје

Продолжи со читање

  • Корупција во здравството – Корупцијата одвнатре и однадвор – Согледувања на здравствените работници и соработници за корупцијата во услугите, вработувањето, унапредувањата и јавните набавки

    Здружението за еманципација, солидарност и еднаквост на жените – ЕСЕ е граѓанска организација која работи на подобрување на имплементацијата на социјалните и економските права на ранливите групи граѓани во Република Северна Македонија. Организацијата ги зајакнува, мобилизира и активно ги вклучува граѓаните во планирањето, спроведувањето и оценувањето на јавните политики и…

  • Новиот нацрт-кодекс на новинарите на Македонија отворен за коментари

    Почитувани медиумски работници и сите чинители во медиумскиот сектор, во продолжение го споделуваме нацрт-текстoт од новиот Кодекс на новинарите составен од осумнаесет членови. Ве покануваме да ги споделите Вашите коментари и мислења, со што ќе дадете значаен придонес за подобрување на тековната работна верзија. Коментарите можете да ги испратите на е-пошта: contact@znm.org.mk до 18 мај, […]

  • Подигнување на свеста за дигиталната безбедност кај младите: Метаморфозис одржа обуки за учениците од American High School Skopje

    Во насока на подигнување на свеста за дигиталната безбедност кај младите, Фондацијата Метаморфозис одржа серија интерактивни обуки за учениците од прва до четврта година во средното училиште American High School Skopje. Обуките беа реализирани во две одделни сесии, во рамки на класниот час. Првата обука беше посветена на основните концепти на дигиталната безбедност и предизвиците […]

  • Првомајски одредски тим билдинг

    Во периодот од 1-3.05.2026 год. нашите членови во извидничкиот центар “Голозинци“ во истоименото село организираа одредски тим билдинг кој го водше началникот на одред Иван Гушев. На овој одредски тим билдинг се работеше на следните подрачја: подготовки за наредните акции, Вардарска регата “Гемиџии“ и други пловидби, изборната настава по Извидништво…

  • Претставување на XXVI Вардарската регата “Гемиџии 2026“ на ТВ Сител

    На 1.5.2026 год. (петок), во утринската програма на ТВ Сител во Скопје “Ја сакам Македонија“  претставниците на извидничкиот одред “Димитар Влахов“ – Велес, м-р Ангелче Гушев и Владимир Ивановски – Вуцо како главни организатори на Вардарската регата, земаа учество во споменатата емисијата со водителот Александар Блажевски. За потребите на оваа…

  • Доделени годишните награди на СЕММ за новинарски стории

    Советот за етика во медиумите на Македонија денеска ги додели годишните награди за најдобра новинарска сторија на тема „Факти и дезинформации за климатските промени“.
    Првата награда ја доби новинарот Михајло Милошески, од „360 степен… Повеќе… “Доделени годишните награди на СЕММ за новинарски стории”
    Source

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор