Резултати од спроведениот проект Сликај, постирај, алармирај!
Објавено: 27/02/2018
Регионалното географско друштво ГЕОСФЕРА – Битола, на настанот „Разбудете ја еко-свеста во себе“ организиран на 24.02.2018 год. ги презентира резултатите од реализираниот проект „Сликај, постирај, алармирај“ поддржан од Цивика Мобилитас.
На настанот, пред битолската јавност и градоначалничката на општина Битола м-р Наташа Петровска, беа презентирани многубројни истражувања и анализи за аерозагадувањето со ПМ честички во месеците ноември, декември и јануари, беа презентирани кои се најзагадените населби во Битола со ПМ честички, причините за големото аерозагадување и предлог мерките кои ги предложивме за намалување на аерозагадувањето во градот.