Screenshot

РЕСИС и ФРЛЗ – Штип започнаа со првата фаза за основање на платформата #LocalActive

ОдФондација за развој на локалната заедница Штип

Институтот РЕСИС заедно со Фондацијата за развој на локалната заедница – Штип ја продолжуваат соработката остварена во рамки на формирањето на Мрежата од совети на публики (МСП) со новиот проект за креирање на платформата #LocalActive, дел од проектот LocalActiveMedia.

Водени од идејата за отворање и проширување на дискурзивните простори во јавната сфера за локалните заедници и групи, проектот LocalActiveMedia ќе развие специфична форма на Медиум на Заедницата, што ќе го користат локалните граѓански организации и нивните конституенти во Источниот и Југоисточниот регион на Северна Македонија. Платформата #LocalActive ќе биде отворена за заедничко креирање содржини од интерес за локалните заедници и групи, со примарна цел да влијае врз остварувањето на комуникациските права на ранливите категории граѓани.

Комуникациските права се специфичен комплекс на човекови права, кој се однесува на еднаквоста на пристапот и шансите за комуникација во јавната сфера. Проектот LocalActiveMedia произлегува од идејата дека непрофитните медиуми во локалните заедници се клучни за исполнување на комуникациските права на овие заедници, особено на ранливите категории граѓани. Платформата #LocalActive ќе функционира како комуникациски канал за сите граѓански организации кои работат со локалните заедници и ранливите групи во Источниот и Југоисточниот регион на Северна Македонија.

РЕСИС и ФРЛЗ – Штип веќе започнаа со спроведување на првата фаза од поставувањето на темелите на функционална платформа која ќе служи на граѓаните од овие два региони со Мапирање на ранливите категории граѓани во Источниот и Југоисточниот регион на кои не им е оневозможен еднаков пристап до комуникација во јавната сфера од различни причини. Ова Мапирање понатаму ќе служи како подлога за темелно истражување со кое ќе се проценат потребите и комуникациските навики на групите во локалната заедница, што пак ќе служи за развивање на Програмскиот концепт за новата медиумска платформа на заедницата #LocalActive.

Ова е прв проект од ваков вид во државата кој ќе ги тестира можностите за координирана акција на локалните ранливи групи и на локалните граѓански организации во поддршка на комуникациските потреби на граѓаните. Проектот е поддржан од непрофитната фондација National Endowment for Democracy (NED).

Продолжи со читање

  • Насилството врз децата не почнува кога ќе стане вест, а превенцијата не треба да започне откако насилството ќе стане вест

    Зад секоја вест за насилство врз дете, стојат дете со нарушено чувство на сигурност, семејство кое живее во страв и неизвесност; и заедница што треба да се запраша дали можела да стори нешто порано. Но, не секое насилство станува вест. Некои деца молчат од страв […]
    The post Насилството врз децата не почнува кога ќе стане вест, а превенцијата не треба да започне откако насилството ќе стане вест appeared first on Myla.

  • Eco Social Voices претставен на YCDF Skopje Local Point: Младите како двигатели на климатските промени

    Климатската акција започнува со младите, нивните идеи и можноста активно да учествуваат во создавањето промени. Во Europe House во Скопје, Еко Логик, во партнерство со Youth Climate Diplomacy Forum (YCDF), го претстави проектот Eco Social Voices на презентацискиот настан посветен на YCDF Skopje Local Point. Настанот беше можност за запознавање со целите, визијата и активностите […]

  • Новинарите ги декодираат институциите на ЕУ, acquis и политиките за проширување

    На 16 и 17 октомври 2026 година, Институтот за европска политика (ЕПИ) го организираше првиот модул за обука во рамките на проектот „Decode the EU – Communicating EU policies together“ во Струмица. Дводневната работилница собра 10 новинари од различни медиуми, со цел да се зајакне аналитичкото известување засновано на докази за процесот на пристапување на […]
    The post Новинарите ги декодираат институциите на ЕУ, acquis и политиките за проширување appeared first on EPI.

  • Извидниците од Велес волонтерски работеа на санирање на конференциската сала во ИЦО – Охрид

    Членовите на извидничкиот одред “Димитар Влахов“ – Велес, Валентин Јанкуловски, Благој Јорданов и Владимир Ивановски-Вуцо во периодот од 16 до 18 октомври 2026 год. во извидничкиот центар “Охрид“ во Охрид работена на санирање на Конференциската сала на ИЦО – Охрид. Со превземените активности од страна на нашите одредски членови ја…

  • Меморандум за разбирање со Британската бизнис-асоцијација

    Силните економии се градат врз силни партнерства. Finance Think и British Business Association in North Macedonia – Британската бизнис-асоцијација во Северна Македонија вчера потпишаа Меморандум за разбирање, поставувајќи основа за поблиска соработка за прашања важни за бизнис-секторот, носителите на политики и општеството. Партнерството ја поврзува широката деловна мрежа на Британската бизнис-асоцијација со економските истражувања и […]
    The post Меморандум за разбирање со Британската бизнис-асоцијација first appeared on Finance Think.
    The post Меморандум за разбирање со Британската бизнис-асоцијација appeared first on Finance Think.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор