Преку фестивалот „Movies That Matter“ се славеа човековите права

ОдЗдружение на граѓани „Младински образовен форум Скопје“.

Со проекцијата на „Tickling Giants“ и дискусија за слободата на изразување и медиумските слободи, синоќа заврши филмскиот фестивал на документарен филм „Movies that Matter“ (Филмови кои вредат), фестивал кој ги слави човековите права, а организиран од Младински образовен форум заедно со Амбасадата на Кралството Холандија.

Оваа недела меѓу 11 и 16 декември јавни и алтернативни културни простори во Скопје, Велес, Битола и Тетово на жителите и младите на овие градови им обезбедија програма исполнета со општествено важни документарни филмови кои ги раскажуваат вистинските човечки приказни, како и дискусии со активисти, експерти и новинари.

Низ реалните освестувачки филмови за напорите на девојчињата од Авганистан да завршат училиште, животот на ЛБГТ луѓето во Израел и цензурата на новинарите во Египет, посетителите на фестивалот ги споделуваа своите впечатоци од филмовите во дискусија по филмовите со: Бенџамин Перкс – Претставник на УНИЦЕФ во Македонија, Јована Ананиевска од Х.Е.Р.А., Неда Чаловска од Хелсиншкиот Комитет за човекови права, новинарката Сашка Цветковска, Мбера Камбери од Министерството за труд и социјална политика, Елена Петровска од Сигурна куќа и новинарката Убавка Јаневска.

„МОФ во својата работа преку неформалното образование користи разни пристапи и овие филмски проекции се еден одличен начин да се пренесе порака за состојбата и важноста на човековите права“ изјави Димитар Низамовски МОФ.

„Мovies that matter“ во Скопје

На проекцијата во Кино Култура во Скопје, Бенџамин Перкс од УНИЦЕФ изјави: „Во секоја ситуација и во било кои околности мора да знаеме како да најдеме достоинство и да станеме подобри“.

Неда Чаловска од Хелсиншки комитет за Човекови права порача дека ние како општество воопшто не сме имуни на нерамноправност и сите мора да се потрудиме да испратиме порака дека различното не треба да се отфрли и казни, туку прифати.

„Образованието или ќе не изгради како луѓе или ќе не наполни со стигма и предрасуди“ се надоврза Јована Ананиевска од Х.Е.Р.А.

Во Битола, Елена Петровска кажа: „Моментално системот смета дека ЛГБТИ луѓето не се под ризик, Безбедната куќа им ја дава поддршката на ЛГБТИ луѓето која би требало да им биде пружена од државата“.

„Movies that Matter“ во Велес

Мабера Камбери од МТСП со охрабрувачки зборови за присутните, ја посочи важноста од вклучување на сите засегнати страни и посочи дека за подобрување на образованието не треба да се работи само со учениците, туку и со нивните родители и просветниот кадар.

Прикажаните филмови на фестивалот Movies that Matter беа: Who’s Gonna Love Me Now? (Барак Хејман и Томер Хејман, Израел/Велика Британија), Tickling Giants (Сара Такслер, САД) и What Tomorrow Brings? (Бет Марфи, Авганистан/САД).  Movies that matter ја користи моќтта на филмот за поддршка на човековите права и социјалната правда, а филмскиот фестивал служи како уникатна платформа за дијалог за јавноста, експерти, уметници, креатори на политики, новинари и граѓанско општество.

Продолжи со читање

  • Елаборат за четириесетите – XL Средби на извидници Велес 2026

    Почитувани извидници, извидничкиот одред “Димитар Влахов” од Велес одбележувајќи ја седмата деценија на постоење на извидништвото во Велес и Денот на Државноста на Македонија, Ве поканува на традиционалните XL Средби на извидници 2026. Во периодот од 1975 до 2026 година, успевaме да организираме четириесет Средби на извидници од кои последните…

  • Ново регионално партнерство: Здружението започнува проект поддржан од Western Balkans Fund и Европската Унија

     Со голема чест и задоволство споделуваме дека Здружение на лица со церебрална парализа и други попречености е добитник на грант од Фондот за Западен Балкан (Western Balkans Fund), кофинансиран од Европската Унија! На 24 и 25 јуни 2026 година во Тирана, Албанија, присуствувавме на дводневната партнерска работилница и свечената церемонија…

  • Успешно реализирана XXVI Вардарска регата “Гемиџии 2026“

    Иако регатата се одвива по 26-ти пат, ова е трета година во која пловидбата заврши во Солун, идентично како онаа на велешките трговци во минатото. Чамците растоварени, пловењето успешно завршено, се сумираат впечатоците од Вардарска регата „Гемиџии“ која по 26-ти пат ја оживеа традицијата и патшествието на велешките трговци во…

  • Од отпад до производ: Како био-отпадот станува дел од нашето секојдневие

    Био-отпадот претставува органски отпад кој потекнува од домаќинствата, пазарите, градините и прехранбената индустрија. Во оваа категорија спаѓаат остатоци од овошје и зеленчук, талог од кафе, лушпи од јајца, лисја и трева.
    Иако најчесто се третира како отпад, био-отпадот претставува вреден ресурс. Во контекст на циркуларната економија, тој се користи како суровина за создавање нови материјали, енергија и производи што повторно се враќаат во економскиот циклус.

    https://unsplash.com/photos/person-holding-eco-not-ego-signage-_kB9NKpErH4
    Во традиционалниот модел, био-отпадот најчесто завршува на депонии, каде што при разградување без кислород се создава метан – силен стакленички гас кој придонесува за климатските промени. Во циркуларниот пристап, истиот отпад се третира како ресурс и се трансформира во компост, биоматеријали, природни ѓубрива и иновативни производи. На овој начин се намалува количината на отпад, се намалуваат емисиите и се поттикнува развој на зелени технологии и локални бизниси.
    Овој пристап е тесно поврзан со пораката „Eco, not ego“, која потсетува дека одржливите избори ја ставаат еколошката одговорност пред краткорочната индивидуална удобност. Со тоа, био-отпадот се гледа не како проблем, туку како почеток на нов циклус на вредност, обновување и одржлив развој.

    Примери на продукти изработени од био-отпад

    Биопластика и дизајн-предмети од талог од кафе – Coffeefrom (Италија): Италијанскиот стартап Coffeefrom го претвора искористениот талог од кафе во биопластика и композитни материјали кои се користат за дизајнерски производи, пакување и индустриска примена, покажувајќи дека дури и секојдневниот отпад може да добие нова вредност.

    (Извор: EU-Startups, август 2025 – eu-startups.com | Renewable Matter – renewablematter.eu)

    Биоразградливо пакување од мицелиум и земјоделски отпад – Grown.bio (Холандија): Компанијата Grown.bio користи мицелиум и земјоделски отпад за производство на целосно биоразградливи пакувања и изолациски материјали кои нудат одржлива алтернатива на пластиката и стиропорот.

    (Извор: European Circular Economy Stakeholder Platform – circulareconomy.europa.eu | Saladplate, октомври 2025 – saladplate.com)

    Еко-кожа од манго отпад – Fruitleather Rotterdam (Холандија): Fruitleather Rotterdam го рециклира отпадот од манго што не ги исполнува пазарните стандарди и го претвора во издржлив вегански материјал кој се користи за изработка на чанти, паричници и други модни производи.

    (Извор: Plant Based News, мај 2025 – plantbasednews.org | Nature Biotechnology, 2025 – nature.com)

    Фото:https://unsplash.com/photos/a-pile-of-garbage-sitting-on-top-of-a-grass-covered-field-pprCuLQopHw
    Овие примери покажуваат дека отпадот не мора да биде проблем кој треба да се отстрани. Со соодветна креативност, технологија и визија, тој може да стане вреден ресурс кој создава нови производи, нови работни места и помало влијание врз природата.
    Циркуларната економија нè учи дека секој материјал има потенцијал за нов живот. Наместо да гледаме на био-отпадот како нешто без вредност, можеме да го препознаеме како можност за иновации и одржлив развој. Токму во оваа промена на перспективата лежи клучот кон поодржлива иднина.
     
    Оваа статија е подготвена во рамките на проектот „Граѓански активизам за остварување на циркуларна економија во управувањето со органски отпад“, спроведуван од Центарот за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија, со поддршка од Владата на Швајцарија преку Цивика мобилитас.
    Содржината на оваа статија е единствена одговорност на Центар за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.
    Автори: Јасмина Петровска, Еко Логик и Ана Серафимова, Еко Логик

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор