L

ПОВИК ЗА УМЕТНИЧКИ КОНКУРС

ОдЦентар за одржлив развој на заедницата Дебар
LПОВИК ЗА УМЕТНИЧКИ КОНКУРС
„Надежта што се Преродува“
Центарот за Одржлив Развој на Заедницата – Дибër ги поканува учениците од основните и средните училишта да учествуваат во уметничкиот конкурс посветен на заштитата на загрозените животни и зачувувањето на нашата заедничка природа.
Тема на конкурсот:
„Загрозени живи суштества – Надежта што се преродува!“
КАТЕГОРИИ НА УЧЕСТВО:
• Поезија, Есеј, Слика, Цртеж, Фотографија од природата (само оригинални фотографии), Маска / уметничка фигура од рециклирани материјали, Едукативни постери, Кратко видео (до 1 минута), Песна / Текст на песна со еколошка тема, 3D модели / ракотворби (дрво, хартија, стакло, глина или комбинирани материјали).
УСЛОВИ ЗА УЧЕСТВО:
• Делата треба да бидат оригинални и изработени лично од ученикот.
• Секое дело треба да ги содржи следните податоци:
Име и презиме, училиште, одделение/клас и категорија на конкурсот.
• Делата се доставуваат најдоцна до 12 декември 2025 година во канцелариите на CSCD – Дебар.
ИЗЛОЖБА И СВЕЧЕНА ДОДЕЛА НА НАГРАДИ:
Одбраните дела ќе бидат изложени во декември на изложбата што ќе се одржи во Центарот за Култура – Дебар, каде што ќе се одржи и свечената церемонија за доделување на наградите.
НАГРАДИ:
Ќе бидат доделени 10 награди со ваучери (по една за секоја категорија), како и благодарници за сите учесници.
ЦЕЛ:
Да се вклучат младите во заштитата на загрозените животни и во разбирањето дека природата е заедничка одговорност, а секој глас, колку и да е мал, има големо значење.
Активноста е дел од проектот „Да учиме за климатските промени“, кој го имплементира Центарот за Одржлив Развој на Заедницата – Дибër, во партнерство со И.О. „Krste JON“ од Струга и „Зелениот Центар“ од Охрид, а е финансиски поддржан од Амбасадата на Швајцарија преку програмата Civica Mobilitas.
„Содржината на овој повик е единствена одговорност на Центарот за Одржлив Развој на Заедницата – Дебар и на ниту еден начин не може да се смета дека ги одразува гледиштата на владата на Швајцарија, Цивика мобилитас, или организациите што ја спроведуваат “
This post was originally published on this site

Продолжи со читање

  • МЦМС ја започна новата антикорупциска програма

    Македонскиот центар за меѓународна соработка (МЦМС) го започна спроведувањето на програмата „Градење општество отпорно на корупција“, која ќе се реализира во периодот од 1 јануари 2026 до 30 јуни 2028 година со финансиска поддршка од Делегацијата на ЕУ во Северна Македонија.

  • Потврда на долгогодишното македонско-холандско пријателство

    Македонската развојна фондација за претпријатија (МРФП) и Македонскиот центар за меѓународна соработка (МЦМС) на 16 јануари 2026 година беа домаќини на Н.Е. Узлем Џанел (Özlem Canel), Амбасадорка на Кралството Холандија во Република Северна Македонија и Иван Илиев, советник за економија и трговија во Амбасадата.

    „Денес беше убава прилика за освежување на долгото пријателство меѓу МРФП и Амбасадата на Кралството Холандија“, истакна Лазар Неданоски, извршен директор на МРФП.На средбата, која помина во пријатна и отворена атмосфера, директорот на МЦМС, Александар Кржаловски, потсети на почетоците на соработката со Холандија и на клучните поединци кои придонеле за развојот на организацијата. МЦМС како организација е основана во 1993 година, како потфат на домашни иницијативи поддржани од Холандската меѓуцрковна помош (ХМП) и агенциите на Светскиот совет на црквите (ССЦ). Пет години подоцна, во 1998 година, МЦМС ја основаше Македонската развојна фондација за претпријатија (МРФП), фокусирана на развој на малите претпријатија, преку пристап до финансиски услуги и промоција на претприемништво.

    Директорот на МРФП, Неданоски, даде хронолошки приказ на развојот на Фондацијата, нагласувајќи дека поддршката од Кралството Холандија била од клучно значење во првите години од нејзиното работење. Според него, таа поддршка не била важна само од финансиски аспект, туку имала значително влијание и врз организацискиот развој на МРФП, како и врз пошироката заедница мултиплицирајќи го ефектот во развојот на институциите, организациите и нивните лидери.
    Амбасадорката Џанел изрази задоволство што поддршката од Кралството Холандија резултирала со одржливи организации кои успешно работат и го пренесуваат своето искуство на други организации и институции. На средбата беше разговарано и за можностите за идна соработка.
     

  • Презентиран Индексот на политички интегритет

    На 27 ноември 2025 година во Клубот на пратеници се одржа презентацијата на првиот Индекс за политички интегритет (ИПИ) во земјата – инструмент создаден да ја измери, поттикне и промовира културата на интегритет во политичкиот и јавниот живот. Настанот беше проследен од голем број претставници на институции, медиуми, граѓански организации. Во своето…

  • Bure-Cycle: Од отпад до иновативен велосипедски паркинг

    Во светот каде ресурсите се ограничени, а отпадот се зголемува, секоја мала идеја за реупотреба има големо значење. Еко Логик со својот проект Bure-Cycle го покажува токму тоа – како старите метални буриња можат да добијат нов живот и да станат функционални, визуелно привлечни и одржливи велосипедски паркинзи за јавни простори. Иницијативата се роди од […]

  • Младите уметници го освојуваат јавниот простор: PATS – Уметност за активизам и општествени промени

    Европскиот проект „Младите уметници го освојуваат јавниот простор – PATS“ (Performance Artists Take The Streets – PATS) официјално започнува со јасна и силна мисија: да им овозможи на младите уметници нови простори, алатки и можности за креативно изразување и општествен ангажман. Уметноста како глас на промената PATS е проект финансиран преку Erasmus+ програмата на Европската […]

  • Високите цени ја истиснаа корупцијата од првото место, но таа и понатаму е меѓу најголемите општествени предизвици

    За разлика од 2021 и 2023 година, кога корупцијата беше препознаена како најголем општествен проблем, во 2025 година граѓаните на прво место ги издвојуваат високите цени (46,6%), додека корупцијата е веднаш зад нив (40,1%). Ова укажува дека инфлацијата, растечките трошоци за живот и намалената куповна моќ ја зголемуваат економската несигурност, но и дека корупцијата останува еден од клучните општествени предизвици.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор