Институтот за демократија „Социетас Цивилис” – Скопје (ИДСЦС) во соработка со Европската академија за демократија и Факултетот за политички студии од Вишеград организира панел дискусија под наслов “Што нѐ спречува во успешна борба против корупцијата?”. Настанот ќе се одржи на 4 април (вторник) од 11 до 13:30 часот во конференциската сала на Елит плаза во Скопје.

Панел дискусијата ќе ја отвори на Миша Поповиќ, постар истражувач од центарот за истражување на ИДСЦС, кој ќе презентира на темата „Сите тоа го прават: рефлексија на корупцијата на општеството“.

Понатаму следува презентацијата на Марија Саздевски, соработник на проектот од Македонски центар за меѓународна соработка (МЦМС) која е на тема „Следење на работата на Државната комисија за спречување на корупцијата“.

Програмата ќе биде заокружена со сесијата за прашања и одговори.

Оваа дискусија е дел од серијата настани „Форум за анти-корупцијата во земјите од западен Балкан” поддржани од Советот на Европа и Интернационалниот фонд на Вишеград.

Институтот за демократија „Социетас Цивилис”- Скопје е корисник на институционален грант на Цивика мобилитас.