„Очи за еднаквост“-приказната на параолимпискиот пливач Лордот Крис Холмс

Хелсиншкиот комитет за човекови права на Република Македонија ги поканува сите заинтересирани на јавниот настан „Очи за еднаквост“, каде Лордот Крис Холмс од Ричмонд, еден од најуспешните параолимписки пливачи во светот, ќе ја сподели својата инспиративна приказна. Настанот ќе се одржи на 1.6.2017 година, од 12 до 14 часот во Младинскиот културен центар во Скопје.

Пораки за инклузија, антидискриминација и правда ќе споделат и Чарлс Гарет, британски амбасадор во Македонија и Уранија Пировска, извршна директорка на Хелсиншкиот комитет.

За своите искуства во спортот во Република Македонија ќе говорат и македонскиот параолимпиец Бранимир Јовановски и Вангел Тркаљанов кој се занимава со параглајдерство.

Лордот Крис Холмс од Ричмонд е добитник на 9 златни, 5 сребрени и 1 бронзен медал. На возраст од 14 години, сосема неочекувано, преку ноќ, го изгубил видот. Лордот Холмс е дел од Горниот дом на Парламентот на Британија, фокусирајќи го своето работење на вработување, образование и вештини, медиуми, спорт и дигитални можности за лицата со пореченост.

Настанот е во организација на Хелсиншкиот комитет за човекови права на Република Македонија во рамки на проектот „Поддршка од граѓанското општество кон политиките за социјална кохезија и различностите”, поддржан од Британската амбасада во Македонија.
Хелсиншкиот комитет за човекови права на Република Македонија е корисник на институционален грант на Цивика мобилитас. За повеќе информации околу тоа, погледнете го нивниот профил.