ММФ во посета на Finance Think
Денес, во Finance Think, остваривме средба со претставници на Меѓународниот монетарен фонд, на која фокусот беше ставен не само на тековните економски движења, туку и на нивната аналитичка #интерпретација и #ризиците што претстојат.
Инфлацијата и нејзините изгледи беа во фокусот на дискусијата, при што преку нашите најнови анализи и моделски пресметки ги разгледавме ефектите од енергетските шокови и можните сценарија за македонската економија. Разговорот се прошири и кон пошироки структурни теми – фискалната позиција и нејзината улога во амортизирање на шоковите, состојбите и тензиите на пазарот на труд, предизвиците поврзани со неформалната економија и импликациите врз продуктивноста и долгорочниот раст.
Фокусот беше ставен на тоа што значат #бројките и што следува понатаму, односно како тековните трендови се преведуваат во политики и економски очекувања.
Соработката со ММФ ја гледаме како важен канал за верификација и унапредување на нашите аналитички пристапи, со цел подобро разбирање на економските ризици и поддршка на информирано креирање политики.
#FinanceThink #ММФ #Економија #Анализа #Policy
The post 📊 ММФ во посета на Finance Think appeared first on Finance Think.
Оваа вест изворно е објавена на веб-страната на Институт за економски истражувања и политики Finance Think
![[Aggregator] Downloaded image for imported item #52397](https://civicamobilitas.mk/wp-content/uploads/2026/10/reg5-1024x576-1-768x432.jpg)
