Novus 1 mcms

Младите прашуваат, до каде е ветениот Локален младински совет во општина Струмица?

ОдМЦМС

Нема општина по мерка на младите ако нема Локален младински совет, велат од здружението „Новус“ што организираше симулација на ова тело за младите од Струмица на 26 јануари 2023 година. Во просториите на Домот на АРМ, вкупно 31 учесник имаа можност да видат како треба да изгледа една седница на Локален младински  совет и зошто е важно да биде воспоставен и функционален. 

novus-1-mcms

Настанот беше наменет за сите граѓани, но фокусот беше ставен на младите. За организаторите, важно е да се подигне критичкото размислување на младите и да се мотивираат да бидат активни креатори на нивната иднина. Еден од начините е да си ги бараат правата кои им следуваат по закон, а во законот, според „Новус“, јасно стои дека секоја општина треба да има  функционален Локален младински совет.

„Нашата цел е да видиме каде е насочена младината и со какви проблеми и препреки се соочуваат, за да  може  заедно да најдеме решенија за тие препреки. Младите треба да бидат сослушани, бидејќи од нив зависи развојот на нашата општина. Со помош на ова симулација, стекнуваме нови искуства и најважно од се, учиме како да донесуваме одлуки. Сакаме да покажеме дека има млади што размислуваат и не им е страв да ги искажат своите мислења”, рече Иван Вангелов, учесник во симулацијата.

За Филип Тодоров, исто така учесник во симулацијата, таа се одвивала добро и може да резултира со формирање вистински Локален младински совет. „Заинтересираноста е прилично голема и поради тоа сум мотивиран да продолжам да се борам и да придонесам за промените кои и се потребни на оваа држава, а кои можат само младите да ги поттикнат“, рече тој.

Од „Новус“ планираат да продолжат со кампања која ќе се одвива под мотото „Инспирирај младинско учество за општина по мерка на младите“, а чија цел ќе биде да ја подигне јавната свест дека и младите се дел од општествените политики и имаат право да учествуваат во нивното креирање. Покрај тоа, планирана е и тркалезна маса со Градоначалникот.

Спроведувањето на активностите е овозможено со проектот  „Поддршка на изборните реформи во Северна Македонија“ на Владата на Швајцарија кој го спроведува Меѓународната фондација за изборни системи (ИФЕС), а грантовите ги администрира Македонскиот центар за меѓународна соработка (МЦМС).

Продолжи со читање

  • Bure-Cycle: Од отпад до иновативен велосипедски паркинг

    Во светот каде ресурсите се ограничени, а отпадот се зголемува, секоја мала идеја за реупотреба има големо значење. Еко Логик со својот проект Bure-Cycle го покажува токму тоа – како старите метални буриња можат да добијат нов живот и да станат функционални, визуелно привлечни и одржливи велосипедски паркинзи за јавни простори. Иницијативата се роди од […]

  • Младите уметници го освојуваат јавниот простор: PATS – Уметност за активизам и општествени промени

    Европскиот проект „Младите уметници го освојуваат јавниот простор – PATS“ (Performance Artists Take The Streets – PATS) официјално започнува со јасна и силна мисија: да им овозможи на младите уметници нови простори, алатки и можности за креативно изразување и општествен ангажман. Уметноста како глас на промената PATS е проект финансиран преку Erasmus+ програмата на Европската […]

  • Високите цени ја истиснаа корупцијата од првото место, но таа и понатаму е меѓу најголемите општествени предизвици

    За разлика од 2021 и 2023 година, кога корупцијата беше препознаена како најголем општествен проблем, во 2025 година граѓаните на прво место ги издвојуваат високите цени (46,6%), додека корупцијата е веднаш зад нив (40,1%). Ова укажува дека инфлацијата, растечките трошоци за живот и намалената куповна моќ ја зголемуваат економската несигурност, но и дека корупцијата останува еден од клучните општествени предизвици.

  • #Фискалната отчетност во фокусот на нашата сторија на Civica Mobilitas

    #Фискалната отчетност во фокусот на нашата сторија во изданијата на Civica Mobilitas и Македонски центар за меѓународна соработка – МЦМС пред крајот на 2025.
    The post #Фискалната отчетност во фокусот на нашата сторија на Civica Mobilitas first appeared on Finance Think.
    The post #Фискалната отчетност во фокусот на нашата сторија на Civica Mobilitas appeared first on Finance Think.

  • Нова Студија за политиките 57!

    Нова Студија за политиките Анализираме како јавните финансии се претвораат (или не) во подобри исходи во образованието и здравството во шест земји од Западен Балкан, користејќи панел податоци за периодот 2006–2020 и CMP методологија. Клучни наоди: • Не е доволно колку трошиме — важно е како трошиме: подоброто извршување на буџетот е клучниот канал преку […]
    The post Нова Студија за политиките 57! first appeared on Finance Think.
    The post Нова Студија за политиките 57! appeared first on Finance Think.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор