МЦМС придонесe во креирањето на новиот Закон за здруженија и фондации

ОдМакедонски центар за меѓународна соработка

Македонскиот центар за меѓународна соработка (МЦМС) активно се вклучи во процесот на јавна консултација за Предлог Законот за здруженија и фондации, оставајќи детални коментари на платформата ЕНЕР (Единствен национален електронски регистар на прописи на Република Северна Македонија).

Screenshot 2026 01 30 at 14 14 32 ЕНЕР Предлог на закон за изменување и дополнување на Законот за здруженија и фондации1

Законот за здруженија и фондации е од клучно значење за граѓанскиот сектор и функционирањето на граѓанските организации во земјата. Покрај тоа што ги уредува правниот статус, работењето и финансирањето на организациите, предлогот вклучува и механизми за кофинансирање на проекти од меѓународни донатори. Затоа, учеството на граѓанските организации во неговото моделирање е од суштинско значење за создавање закон што ќе одговара на реалните потреби на секторот.

МЦМС достави 21 конкретен предлог за измени и дополнување на предлог-законот, кои опфаќаат 14 членови. Предлозите за измени се однесуваат на одредбите за легитимно работење на органите и телата на граѓанските организации, на регулативата поврзана со стопанските дејности на организациите, одговорноста на членовите на органите, постапките за распределба на јавни средства, механизмите за кофинансирање на проекти од меѓународни донатори, критериумите за подобност и евалуација на проектни предлози, листата на области од јавен интерес, учеството на граѓанските организации во креирање политики, улогата и составот на Советот за соработка меѓу Владата и граѓанското општество, временските рокови за имплементација на законот итн.

Целосните коментари се достапни на ЕНЕР но и во овој документ.

Јавната консултација е отворена можност за секоја граѓанска организација да го искаже својот став и да придонесе кон подобрување на законската рамка што директно влијае на нашето работење. Процесот на креирање политики станува посилен и пореален кога вклучува различни перспективи и искуства од практиката.

Учеството во креирањето на закони и политики не е само право на граѓанските организации, туку и одговорност кон нашите членови, корисници и заедниците во кои работиме. Преку активното учество во јавните консултации, ние обезбедуваме дека законите ќе бидат: релевантни за реалните потреби на граѓанскиот сектор; применливи во пракса; фер и рамноправни за сите типови организации и во согласност со најдобрите меѓународни практики.

Оваа вест изворно е објавена на веб-страната на Македонски центар за меѓународна соработка

Продолжи со читање

  • Советот за соработка меѓу Владата и граѓанското општество на средба со организациите во Куманово

    На 1 октомври 2026 година претставници на Советот за соработка меѓу Владата и граѓанското општество се сретнаа со граѓанските организации и активистите од Североисточниот регион. Средбата беше посветена на улогата, работата и соработката со Советот за соработка меѓу Владата и граѓанското општество, како значаен механизам за унапредување на дијалогот меѓу институциите и граѓанските организации.

  • OТВОРЕНО ПИСМО | Дали претседателката Сиљановска-Давкова легитимира организации поврзани со движења против правото на абортус?

    Мрежа за заштита од дискриминација испраќа отворено писмо до претседателката Гордана Сиљановска-Давкова, по повод нејзината неодамнешна средба со претставнички на здружението „Јас сум жена“. Со […]

  • Finance Think на Форумот за граѓански организации и тинк-тенкови 2026 во Приштина

    Од 5 до 7 октомври, во Приштина се одржа Civil Society & Think Tank Forum 2026, официјалната платформа на граѓанското општество во рамки на Берлинскиот процес, на кој учествуваше и Finance Think. Во текот на трите дена, низ повеќе тематски дискусии, претставниците на граѓанските организации и тинк-тенковите од Западен Балкан имаа можност да дадат свои […]
    The post Finance Think на Форумот за граѓански организации и тинк-тенкови 2026 во Приштина first appeared on Finance Think.
    The post Finance Think на Форумот за граѓански организации и тинк-тенкови 2026 во Приштина appeared first on Finance Think.

  • Граѓанското општество од Западен Балкан го даде својот придонес во пресрет на Самитот на Берлинскиот процес

    Овогодишниот Форум на граѓанското општество и тинк-тенк организации (CSF 2026) се одржа во Приштина од 5 до 7 октомври. Форумот, како официјална платформа на граѓанскиот сектор во рамките на Берлинскиот процес, уште еднаш ја потврди незаменливата улога на граѓанскиот сектор како мост меѓу граѓаните, експертската заедница и донесувачите на одлуки.

  • Одржана базична обука за прва помош во Свети Николе

    Одржана базична обука за прва помош во Свети Николе На 4 и 5 октомври 2026 година, во просториите на ООУ „Гоце Делчев“ во Свети Николе, се одржа базична обука за прва помош, организирана со поддршка на Operation Florian од Велика Британија. На обуката учество земаа членови од три доброволни противпожарни друштва: ДПД Свети Николе, ДПД…

  • ЗАКОНИТЕ МОРА ДА ГИ РЕШАВААТ ПРОБЛЕМИТЕ ЗА ЗАШТИТАТА НА ЖИВОТНАТА СРЕДИНА, А НЕ ДА ГИ КРЕИРААТ

    Вчера (7.10.2026 година) на Пленарна седница на Собранието на Република Северна Македонија, на прво читање беа разгледани предлог измени и дополнувања на Законот за животната средина. Веќе за 13.10.2026 година е закажана седница на Комисијата за транспорт, дигитална трансформација, животна средина и просторно планирање на […]
    The post ЗАКОНИТЕ МОРА ДА ГИ РЕШАВААТ ПРОБЛЕМИТЕ ЗА ЗАШТИТАТА НА ЖИВОТНАТА СРЕДИНА, А НЕ ДА ГИ КРЕИРААТ appeared first on Myla.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор