Здружението за еднакви можности и меѓуетничка соработка Ал-Ма месец декември го одбележа со културни активности меѓу учениците од училиштата во Студеничани и Драчево.

Од здружението покажаа дека преку здрава едукација, од начинот на поздравување до начинот на почитување,  децата можат да се дружат иако не говорат ист јазик. Воедно, беше организирана  театарска претстава која се однесуваше на современите општествени и културни активности кои што ги интересираат децата и тинeјџерите, а исто така се водеше дискусија за видени филмски проекции од страна на децата.

Здружението за еднакви можности и меѓуетничка соработка Ал-Ма го спроведува проектот “Различностите не се пречка за дружење“, кој е финансиски поддржан од програмата Цивика мобилитас преку мал грант.