Како да решите дали да објавите експлицитни фотографии и видеа

ОдСамостоен синдикат на новинари и медиумски работници ССНМ

Сликите и видеата можат да бидат моќни алатки за опис на екстремно тешки теми. И дигиталните камери, паметните телефони и новите алатки за раскажување приказни го прават споделувањето на слики многу лесно. Сепак, многу од тие слики може да бидат експлицитни или грозни.

Еве неколку прашања кои ќе ви помогнат да одлучите што, каде и дали да објавите или споделите експлицитни фотографии и видеа.

  • Која е новинарската цел за објавувањето на експлицитната содржина? Дали прикажувањето на таквиот материјал ја појаснува сторијата или го подобрува разбирањето на публиката? Дали се работи за прашање од големо значење за јавноста, како што е јавна политика, придобивка на заедницата или општествено значајно прашање?
  • Дали е користењето на експлицитниот материјал единствен начин да се раскаже приказната? Кои се алтернативите?
  • Доколку од вас се побара да ја одбраните одлуката пред вашата публика или засегнатите страни во сторијата, како ќе ја оправдате? Дали сте подготвени да дадете јавно образложение. Доколку не, зошто?
  • Кога е сторијата доволно важна за да се оправда користењето на експлицитен материјал? Како ќе се користи материјалот подоцна? Ќе има ли временски период по кој тој веќе нема да се објавува?
  • Дали имате насоки или дискусии за тоа како да се користи експлицитен материјал во најави и објави на социјалните медиуми?
  • Кога е потребно предупредување за публиката дека материјалот е експлицитен? Колку детали треба да содржи предупредувањето?
  • Во кои околности ваша организација прикажува тела на жртви од незгода или злосторство? Колку експлицитни детали се потребни за да се долови новинскиот аспект на приказната? Кога ја преминувате линијата со цел да ја задоволите жедта на публиката за шокантни детали?
  • Како точно ќе ја пренесете приказната без да ги загрозите правата и приватноста на жртвата или незиното семејство?
  • Дали сликите кои ги користите креираат слика дека одредена област е насилна или небезбедна?
  • Пред да донесете одлука, дали можете да продискутирате за позитивните и негативните аспекти со разновидна група во вашата организација? Дали би вклучиле лица кои не се новинари во таа дискусија, бидејќи тие се порепрезентативни на вашата публика? Дали би повикале и други кои би можеле да ви дадат гледиште на аутсајдер – можеби експерт за медиумска етика кој може да помогне со точките на дискусија?
  • Кога покривате настани во живо кои би можеле лесно да станат експлицитни, дали ги преземате сите мерки на претпазливост за да спречите објавување на несоодветни слики и звуци? Дали е некој друг достапен да соработува во одлуката како и кога да се емитуваат слики? Дали сте размислиле да поставите теренска екипа која ќе покрива поширока површина при емитување во живо?

Дискутирањето за овие прашања однапред ќе ви помогне да развиете процес на носење етички одлуки – пред  да бидете соочени со носење тешки одлуки во последен момент.

The post Како да решите дали да објавите експлицитни фотографии и видеа appeared first on ССНМ.

Продолжи со читање

  • МЦМС ја започна новата антикорупциска програма

    Македонскиот центар за меѓународна соработка (МЦМС) го започна спроведувањето на програмата „Градење општество отпорно на корупција“, која ќе се реализира во периодот од 1 јануари 2026 до 30 јуни 2028 година со финансиска поддршка од Делегацијата на ЕУ во Северна Македонија.

  • Потврда на долгогодишното македонско-холандско пријателство

    Македонската развојна фондација за претпријатија (МРФП) и Македонскиот центар за меѓународна соработка (МЦМС) на 16 јануари 2026 година беа домаќини на Н.Е. Узлем Џанел (Özlem Canel), Амбасадорка на Кралството Холандија во Република Северна Македонија и Иван Илиев, советник за економија и трговија во Амбасадата.

    „Денес беше убава прилика за освежување на долгото пријателство меѓу МРФП и Амбасадата на Кралството Холандија“, истакна Лазар Неданоски, извршен директор на МРФП.На средбата, која помина во пријатна и отворена атмосфера, директорот на МЦМС, Александар Кржаловски, потсети на почетоците на соработката со Холандија и на клучните поединци кои придонеле за развојот на организацијата. МЦМС како организација е основана во 1993 година, како потфат на домашни иницијативи поддржани од Холандската меѓуцрковна помош (ХМП) и агенциите на Светскиот совет на црквите (ССЦ). Пет години подоцна, во 1998 година, МЦМС ја основаше Македонската развојна фондација за претпријатија (МРФП), фокусирана на развој на малите претпријатија, преку пристап до финансиски услуги и промоција на претприемништво.

    Директорот на МРФП, Неданоски, даде хронолошки приказ на развојот на Фондацијата, нагласувајќи дека поддршката од Кралството Холандија била од клучно значење во првите години од нејзиното работење. Според него, таа поддршка не била важна само од финансиски аспект, туку имала значително влијание и врз организацискиот развој на МРФП, како и врз пошироката заедница мултиплицирајќи го ефектот во развојот на институциите, организациите и нивните лидери.
    Амбасадорката Џанел изрази задоволство што поддршката од Кралството Холандија резултирала со одржливи организации кои успешно работат и го пренесуваат своето искуство на други организации и институции. На средбата беше разговарано и за можностите за идна соработка.
     

  • Презентиран Индексот на политички интегритет

    На 27 ноември 2025 година во Клубот на пратеници се одржа презентацијата на првиот Индекс за политички интегритет (ИПИ) во земјата – инструмент создаден да ја измери, поттикне и промовира културата на интегритет во политичкиот и јавниот живот. Настанот беше проследен од голем број претставници на институции, медиуми, граѓански организации. Во своето…

  • Bure-Cycle: Од отпад до иновативен велосипедски паркинг

    Во светот каде ресурсите се ограничени, а отпадот се зголемува, секоја мала идеја за реупотреба има големо значење. Еко Логик со својот проект Bure-Cycle го покажува токму тоа – како старите метални буриња можат да добијат нов живот и да станат функционални, визуелно привлечни и одржливи велосипедски паркинзи за јавни простори. Иницијативата се роди од […]

  • Младите уметници го освојуваат јавниот простор: PATS – Уметност за активизам и општествени промени

    Европскиот проект „Младите уметници го освојуваат јавниот простор – PATS“ (Performance Artists Take The Streets – PATS) официјално започнува со јасна и силна мисија: да им овозможи на младите уметници нови простори, алатки и можности за креативно изразување и општествен ангажман. Уметноста како глас на промената PATS е проект финансиран преку Erasmus+ програмата на Европската […]

  • Високите цени ја истиснаа корупцијата од првото место, но таа и понатаму е меѓу најголемите општествени предизвици

    За разлика од 2021 и 2023 година, кога корупцијата беше препознаена како најголем општествен проблем, во 2025 година граѓаните на прво место ги издвојуваат високите цени (46,6%), додека корупцијата е веднаш зад нив (40,1%). Ова укажува дека инфлацијата, растечките трошоци за живот и намалената куповна моќ ја зголемуваат економската несигурност, но и дека корупцијата останува еден од клучните општествени предизвици.

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор