Јавна дискусија „Социјални иновации за намалување на младинската невработеност“

Во рамките на Регионалната Платформа за социјални иновации за намалување на младинската невработеност (YOUSEE), Младинскиот културен центар – Битола (МКЦ – Битола)  во соработка со KARIERA.mk организираше презентација и јавна дискусија на тема: „Социјални иновации за намалување на младинската невработеност“.

Презентацијата се одржа на 20 јуни 2017 година (вторник) во просториите на Јавна соба ул. 50 дивизија 22 Скопје – Makers Room со почеток во 17.00 часот.

На презентацијата со свои излагања учествуваа:

Д-р Ѓорѓи Какашевски – професор по информатички науки и косопственик на KARIERA.mk

Норик Селими – Претседател на Федерацијата на агенции за привремени вработувања и косопственик на KARIERA.mk

Зорица Бужаровска – консултант во KARIERA.mk

Темите за дискусија со присутните ги опфатија следните области:

• Социјални иновации и социјално претприемништво
• Трендови и предизвици со човечки ресурси (HR) во Македонија
• Начини за наоѓање на работа во Македонија
• Препораки за успешно претставување пред работобарателите
• Kariera.mk социјална иновација и проект кој поврзува илјадници работобаратели и компании

Настанот е во рамките на Регионалната Платформа (YOUSEE) со поддршка на фондови од Европската Унија.

МКЦ-Битола е институционален грантист на програмата Цивика Мобилитас.