Јавен повик за учесници во граѓански лаборатории за иновација

Дали сакате да придонесете за подобрување на подобрување на начинот на кој разговараме за важни општествени и политички прашања, а притоа да бидете соодветно парично компензирани (50 евра за учество во две работилници)? Ве покануваме да учествувате во граѓански лаборатории за иновација во рамки на истражувачкиот проект ENCODE.

Што претставува ENCODE?

ENCODE е европски проект кој истражува како емоциите (среќа, надеж, страв, гнев и други) влијаат врз политиката, функционирањето на демократијата и довербата во институциите. Проектот ги поврзува граѓаните, експертите и организациите за заедно да создадат поотворен и попозитивен начин за разговор за општествени теми.

Што претставуваат граѓанските лаборатории за иновација?

Лабораториите се работилници каде учесниците:

• Споделуваат лични искуства и видувања поврзани со различни општествени теми;
• Дискутираат како политичките пораки влијаат врз нивното мислење;
• Заеднички создаваат нови идеи и перспективи за подобро општество.

Во рамки на лабораториите, вие не сте испитаници, туку активни творци во процесот.

Цел на лабораториите

Лабораториите имаат за цел:

• да разбереме подобро како емоциите влијаат врз политиката;
• како да ги надминеме конфликтите без да ги бришеме различностите;
• како да ја зајакнеме довербата во институциите;
• да создадеме простор за слободно споделување на различни перспективи.

Кој може да се пријави?

Доколку имате над 18 години, без оглед на пол, етничка припадност, образование, занимање и вашите политички ставови, ве охрабруваме да се пријавите да учествувате во лабораториите.

Како ќе изгледа учеството?

Лабораториите се одвиваат во две одделни сесии, секоја во времетраење од два и пол часа, што се одржуваат во распон од неколку недели:

• Прва работилница – разбирање на сегашноста – истражување на емоции, искуства и општествени тензии;
• Втора работилница – замислување на иднината – заедничко креирање на нови перспективи за демократијата.

Активностите вклучуваат:

• Споделување искуства и со нив поврзани емоции’
• Вежби за градење доверба;
• Креирање наративи.

Надомест

Сите избрани учесници ќе добијат паричен надомест за учеството, како признание за вложениот придонес и време.

Заштита на лични податоци

• Сите споделени информации ќе бидат анонимизирани – сè што ќе споделите ќе биде без ваше име и нема да може да се препознае кој го кажал;
• Податоците ќе се користат исклучиво за истражувачки цели;
• Учесниците ќе имаат можност да ги проверат и потврдат резултатите.

Дополнителни информации

• Работилниците се одржуваат на македонски јазик;
• Времето на одржување е во попладневните часови за да не се попречени работните обврски;
• Обезбедено освежување за времетраењето на работилниците;
• Учество во безбедна средина каде сечиј придонес се третира со почит;
• Нема „точни“ и „погрешни“ одговори – сечија перспектива е важна;
• Учеството е целосно доброволно. Можете да се повлечете во секое време за време на сесијата без да дадете причина и без никакви последици. Исто така, можете да одберете да не одговорите на прашање или да не учествувате во некоја активност за време на работилницата.

Како да се пријавите?

Доколку сте заинтересирани, може да се пријавите на следниот линк. Пополнувањето на пријавата нема да ви одземе повеќе од неколку минути. Рокот за пријава е до 13 мај 2026 година.

The post Јавен повик за учесници во граѓански лаборатории за иновација appeared first on IDSCS.

Оваа вест изворно е објавена на веб-страната на Институт за демократја ИДСЦС