[Aggregator] Downloaded image for imported item #41926

Форум „Економското јакнење на жените што претрпеле семејно насилство – императив за ефективна заштита и поддршка“, оддржан на ден 20ти ноември 2025

ОдЗдружение ЕСЕ ESE Association

На 20ти ноември 2025 година Здружение ЕСЕ, со финансиска поддршка од ЕУ, организираше еднодневен форум посветен на економското јакнење на жените што претрпеле семејно насилство.  Предмет на дискусија беа системските бариери со кои се соочуваат жените што претрпеле насилство, економските последици што го продлабочуваат нивниот ризик од сиромаштија и зависност, како и неопходноста од одржлива поддршка што ќе овозможи вистинско економско јакнење.  Настанот беше структуриран преку три панел-сесии кои ги опфатија клучните аспекти на економското јакнење, од анализи на состојбата, преку практични модели, до политики и институционални решенија.

Во рамки на првиот панел, фокусот беше ставен на потребата од економско јакнење на жените, со особено внимание на неповолната финансиска состојба во која тие се наоѓаат по разводот на бракот или разделбата. За таа цел беа презентирани главните наоди од анализите што ЕСЕ ги спроведува со жени кои претрпеле семејно насилство, вклучително и високите трошоци со кои се соочуваат како последица од насилството, како и проблемот со недоволната и/или неплаќањето на судски досудената издршка за децата, што дополнително ја продлабочува нивната економска ранливост.

Вториот панел, на кој учествуваа Дарко Антиќ (ЕСЕ), Мира С. (учесничка во ПОГОН) и Милица Гавриловска (дизајнерка и менторка), отвори дискусија за моделот ПОГОН, како преку менторство, обука и креативни вештини може да се создадат реални можности за нов почеток, и кои лекции произлегуваат од практичната работа со жените. Настанот заврши со базар „Нов почеток во сопствени раце“, на кој жените ги продаваа рачно изработените накит и ракотворби создадени во рамките на ПОГОН, овозможувајќи им директна промоција и поддршка.

Третиот панел, со панелистките Маја Цветановска од Агенцијата за иновации, научно-технолошки развој и претприемништво ИНОВА и Валентина Тасева, извршна директорка на Семос Едукација, беше посветен на креирање ефикасни јавни политики и мерки за економско јакнење, при што панелистите и учесниците дискутираа за тековните програми, потребните реформи и улогата на институциите и приватниот сектор во развојот на функционални решенија.

Препораките од форумот укажуваат на итна потреба од системски мерки за економско и социјално јакнење на жените по разводот или разделбата, развивање програми за субвенционирано домување, како и финансиска поддршка за кирија и основни животни трошоци.

This post was originally published on this site

Продолжи со читање

  • Елаборат за четириесетите – XL Средби на извидници Велес 2026

    Почитувани извидници, извидничкиот одред “Димитар Влахов” од Велес одбележувајќи ја седмата деценија на постоење на извидништвото во Велес и Денот на Државноста на Македонија, Ве поканува на традиционалните XL Средби на извидници 2026. Во периодот од 1975 до 2026 година, успевaме да организираме четириесет Средби на извидници од кои последните…

  • Ново регионално партнерство: Здружението започнува проект поддржан од Western Balkans Fund и Европската Унија

     Со голема чест и задоволство споделуваме дека Здружение на лица со церебрална парализа и други попречености е добитник на грант од Фондот за Западен Балкан (Western Balkans Fund), кофинансиран од Европската Унија! На 24 и 25 јуни 2026 година во Тирана, Албанија, присуствувавме на дводневната партнерска работилница и свечената церемонија…

  • Успешно реализирана XXVI Вардарска регата “Гемиџии 2026“

    Иако регатата се одвива по 26-ти пат, ова е трета година во која пловидбата заврши во Солун, идентично како онаа на велешките трговци во минатото. Чамците растоварени, пловењето успешно завршено, се сумираат впечатоците од Вардарска регата „Гемиџии“ која по 26-ти пат ја оживеа традицијата и патшествието на велешките трговци во…

  • Од отпад до производ: Како био-отпадот станува дел од нашето секојдневие

    Био-отпадот претставува органски отпад кој потекнува од домаќинствата, пазарите, градините и прехранбената индустрија. Во оваа категорија спаѓаат остатоци од овошје и зеленчук, талог од кафе, лушпи од јајца, лисја и трева.
    Иако најчесто се третира како отпад, био-отпадот претставува вреден ресурс. Во контекст на циркуларната економија, тој се користи како суровина за создавање нови материјали, енергија и производи што повторно се враќаат во економскиот циклус.

    https://unsplash.com/photos/person-holding-eco-not-ego-signage-_kB9NKpErH4
    Во традиционалниот модел, био-отпадот најчесто завршува на депонии, каде што при разградување без кислород се создава метан – силен стакленички гас кој придонесува за климатските промени. Во циркуларниот пристап, истиот отпад се третира како ресурс и се трансформира во компост, биоматеријали, природни ѓубрива и иновативни производи. На овој начин се намалува количината на отпад, се намалуваат емисиите и се поттикнува развој на зелени технологии и локални бизниси.
    Овој пристап е тесно поврзан со пораката „Eco, not ego“, која потсетува дека одржливите избори ја ставаат еколошката одговорност пред краткорочната индивидуална удобност. Со тоа, био-отпадот се гледа не како проблем, туку како почеток на нов циклус на вредност, обновување и одржлив развој.

    Примери на продукти изработени од био-отпад

    Биопластика и дизајн-предмети од талог од кафе – Coffeefrom (Италија): Италијанскиот стартап Coffeefrom го претвора искористениот талог од кафе во биопластика и композитни материјали кои се користат за дизајнерски производи, пакување и индустриска примена, покажувајќи дека дури и секојдневниот отпад може да добие нова вредност.

    (Извор: EU-Startups, август 2025 – eu-startups.com | Renewable Matter – renewablematter.eu)

    Биоразградливо пакување од мицелиум и земјоделски отпад – Grown.bio (Холандија): Компанијата Grown.bio користи мицелиум и земјоделски отпад за производство на целосно биоразградливи пакувања и изолациски материјали кои нудат одржлива алтернатива на пластиката и стиропорот.

    (Извор: European Circular Economy Stakeholder Platform – circulareconomy.europa.eu | Saladplate, октомври 2025 – saladplate.com)

    Еко-кожа од манго отпад – Fruitleather Rotterdam (Холандија): Fruitleather Rotterdam го рециклира отпадот од манго што не ги исполнува пазарните стандарди и го претвора во издржлив вегански материјал кој се користи за изработка на чанти, паричници и други модни производи.

    (Извор: Plant Based News, мај 2025 – plantbasednews.org | Nature Biotechnology, 2025 – nature.com)

    Фото:https://unsplash.com/photos/a-pile-of-garbage-sitting-on-top-of-a-grass-covered-field-pprCuLQopHw
    Овие примери покажуваат дека отпадот не мора да биде проблем кој треба да се отстрани. Со соодветна креативност, технологија и визија, тој може да стане вреден ресурс кој создава нови производи, нови работни места и помало влијание врз природата.
    Циркуларната економија нè учи дека секој материјал има потенцијал за нов живот. Наместо да гледаме на био-отпадот како нешто без вредност, можеме да го препознаеме како можност за иновации и одржлив развој. Токму во оваа промена на перспективата лежи клучот кон поодржлива иднина.
     
    Оваа статија е подготвена во рамките на проектот „Граѓански активизам за остварување на циркуларна економија во управувањето со органски отпад“, спроведуван од Центарот за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија, со поддршка од Владата на Швајцарија преку Цивика мобилитас.
    Содржината на оваа статија е единствена одговорност на Центар за ресурси во животна средина (РЕЦ) – Северна Македонија, Еко Логик и Флорозон – Центар за еколошка демократија и на ниту еден начин не може да се смета дека ги одразува гледиштата на Владата на Швајцарија, Цивика мобилитас или организациите што ја спроведуваат.
    Автори: Јасмина Петровска, Еко Логик и Ана Серафимова, Еко Логик

Адресар на граѓански организации

Ресурси од граѓански организации

Магазин „Граѓаните за промена“

Вести од граѓански организации

Граѓански стории

Граѓански импулс

Civica Mobilitas Community

Регистрирај се и добивај новости, информации и можности од Цивика мобилитас. Испраќаме не повеќе од 1 до 2 пораки месечно.

Регистрирај се за информатор