Еко Логик на Националниот форум 2025 – зајакнување на улогата на граѓанското општество

На 26 ноември 2025 година, Еко Логик учествуваше на Националниот форум – Саем на граѓански организации, кој оваа година се одржа под мотото „Соработка на Владата со граѓанското општество“. Настанот претставуваше важна можност за дијалог, размена на искуства и унапредување на соработката помеѓу институциите и граѓанските организации.

Во рамките на саемот, тимот на Еко Логик ја претстави својата работа и тековните активности, со посебен фокус на проектот „Граѓански активизам за остварување на циркуларна економија во управувањето со органски отпад“. Проектот се реализира со поддршка од програмата Civica Mobilitas, во партнерство со Resource Environmental Center – REC North Macedonia и Center for Environmental Democracy – Florozon.

Присуството на Националниот форум овозможи директна комуникација со други граѓански организации, претставници на институциите и пошироката јавност, како и споделување на примери за тоа како граѓанскиот активизам може да придонесе кон одржливи политики и практики.

Еко Логик останува посветена на градење поодржливи заедници и на зајакнување на улогата на граѓанското општество како важен актер во процесите на позитивна општествена и еколошка промена.

Оваа вест изворно е објавена на веб-страната на Здружение на граѓани за заштита и унапредување на животната средина "ECO - LOGIC"