Eco Logic меѓу најбараните организации на INNEXA Alliance 2025 во Мадрид

На 4 и 5 ноември, во Talent Garden – Мадрид, се одржа настанот на INNEXA Alliance, кој обедини 127 учесници, 84 организации и 34 земји од 3 континенти, меѓу кои беа универзитети, компании, јавни институции и граѓански организации посветени на иновации, одржливост и прекугранична соработка.

Вкупно беа организирани 445 состаноци, а нашата организација беше препознаена како една од најбараните за 1-на-1 средби, од вкупно 88 присутни организации. Во текот на само два дена, одржавме 30 состаноци — вистински маратон на идеи, разговори и нови партнерства. Овој резултат е потврда за проактивниот пристап, силната мрежа на партнери и континуираната посветеност кон создавање значајни соработки.

Никола учествуваше со презентација на два проекти и концепти поврзани со стручно образование во областа на заштитата на животната средина, при што ги сподели нашите искуства и пристап кон развој на зелени вештини и одржливо образование.

Настанот овозможи воспоставување нови контакти, размена на идеи и иницирање потенцијални партнерства со организации од различни сектори, што дополнително го зајакна нашето учество во меѓународни процеси поврзани со зелената и дигиталната транзиција.

Активното вклучување во INNEXA Alliance претставува можност за пристап до европски и меѓународни програми за финансирање, развој на проекти со висок импакт и градење на стратегиски партнерства кои придонесуваат за иновации, раст и одржлив развој.

Што претставува INNEXA:

• 👉Стратешки партнерства за иновации и раст
• 👉Споделување на знаење и прекугранична соработка
• 👉Пристап до високо ниво на вмрежување и простори за ко-креирање
• 👉Поддршка во меѓународно финансирање и развој на проекти

Во следниот период, ќе ги продолжиме разговорите започнати на настанот, со цел развивање на нови заеднички иницијативи и проекти со висок импакт.
Благодарност до тимот на INNEXA Alliance и сите учесници за инспиративниот и продуктивен настан. Со нетрпение очекуваме да ги претвориме можностите од Мадрид во реални резултати за поодржлива иднина.

Оваа вест изворно е објавена на веб-страната на Здружение на граѓани за заштита и унапредување на животната средина "ECO - LOGIC"