Денот на граѓанските организации 2020 – Рурална Коалиција
Рурална Коалиција ги претстави своите активности, но и упати порака за поддршка на локалното производство на храна на Денот на граѓанските организации 2020
Знаеме ли дали доматот е овошје или зеленчук? По што ли ни е препознатлива нашата земја кога станува збор за руралниот развој? А кое локално овошје ни го носи називот “чачанска лепотица”? Ова се само дел од прашањата чии што одговори можевте да ги слушнете на штандот на Рурална Коалиција, а во рамките на Денот на граѓанските организации кој што денес се одржува во градскиот парк Школка, во Скопје, а во организација на Civica Mobilitas.
Рурална Коалиција е институционален грантист во рамките на програмата на Цивика мобилитас, а оваа година на Денот на граѓанските организации Коалицијата акцентот го става локалното производство и храна со цел да ги поддржиме локалните производители на храна кои што особено беа погодени за време на Ковид пандемијата.
![[Aggregator] Downloaded image for imported item #52397](https://civicamobilitas.mk/wp-content/uploads/2026/10/reg5-1024x576-1-768x432.jpg)
