![[aggregator] downloaded image for imported item #37497](https://civicamobilitas.mk/wp-content/uploads/2025/04/1-1024x576-2.jpg)
Ден на добри дела 2025
На ден 07.04.2025 година, како дел од Светскиот ден на добри дела 2025, се одржа Волонтерска еколошка акција во околината на Прилепското езеро во Прилеп.
Активноста се реализираше со поддршка на 20 волонтери ученици од ООУ „Добре Јованоски“ и средношколци од младинските клубови на Здружение Станица ПЕТ, кои заеднички ја чистеа околината на Прилепското езеро и собираа цврст отпад, при што покажаа дека духот на волонтерството е сеуште помеѓу нас, но треба да се негува и истакнува, со што би живееле во една подобра и похармонична заедница.
Денот на добри дела е меѓународен ден на волонтирање. Почнувајќи од 2007 година, неговата мисија е да ги обедини луѓето од целиот свет во правење добри дела за другите и за планетата. Целта на настанот е младите да учат за волонтерството и да бидат вклучени во волонтерски активности за доброто на целата заедница.
Нашето здружение минатата година за прв пат се приклучи кон глобалното движење „Ден на добри дела“, којшто претставува Меѓународен ден на волонтирање. Годинава Денот на добри дела е 6ти април, а на ниво на државата ќе се организираат различни настани и работилници, организирани од Младински културен центар Битола.
![[Aggregator] Downloaded image for imported item #52397](https://civicamobilitas.mk/wp-content/uploads/2026/10/reg5-1024x576-1-768x432.jpg)
